14
1 Cun, ka hei zoh i Tuufa cu Zion tlang ah a dir, amah sinah cun an min le an Pa min cio an cal ah aa òialmi thong zakhat le thong sawm li le thong li an um.
2 Van in ti lian thawng bantuk le khuari tur thawng fakpi bantuk ka theih; cu aw ka theihmi cu tingtang tum thiammi nih tingtang an tummi hla aw bantuk a si.
3 Bawi òhutdan le thilnung pali le upa hna hmaiah cun hla thar an sa, cu hla cu vawlei in tlanhmi thong zakhat le thong sawm li le thong li dah ti lo nih cun a thiammi ahohmanh an um lo.
4 Mah hna hi nu ah aa thurhhnawmh lomi an si, nu an hngal lo, Tuufa a kalnak paoh ah a zulmi an si. Miphun lakin tlanhmi Pathian le Tuufa caah tlaiter an si.
5 An ka in lihbia a chuak bal lo; zeitintiah palhnak ngei lomi an si.
6 Van laiah vanmi dang pakhat a zuangmi ka hun hmuh i vawlei i a ummi vialte Jentail, miphun zakip, holh phun zakip le mi zakip hna sinah zungzal a hmunmi thawngòha chim dingin a zuangmi a si.
7 Fak piin a au i, “Pathian cu òihzah u law thangòhat ko u, a biaceih caan a phan cang. Van le vawlei le rili le ti hna a sertu cu bia ko u,” a ti.
8 Vanmi dang pakhat, a pahnihnak nih a hun zulh i, “A liannganmi Babilon cu a tlu cang, a miphun kip a hornak zu a dintertu cu a tlu cang,” a ti.
9 Vanmi dang pakhat, a pathumnak nih a hun zulh ve i fak piin, “Sahrang le a muipu a biami, an cal ah siseh an orhlei kut ah siseh hmelchunhnak a ngeimi paoh cu
10 Pathian thinhunnak zu, a thinhunnak hrai ah thletmi a hrim te cu a din lai. Tuufa le a thiangmi vanmi hna hmaiah cun kat le mei in a hrem hna lai,
11 a hremnak hna meikhu cu dong loin chun he zan he a kai lai, sahrang le a muipu a biami le a min a pumi hna hremnak cu dongh ni a ngei lai lo,” a ti.
12 Jesuh a zum i Pathian nawlbia a zulmi mithiang hna cu hika ah hin lungsau a herh ngaingai.
13 Vanmi aw ka theih i, “Hihi òial: Atu thawk in a thimi, Bawipa ah a thimi hna cu mithluachuak an si,” a ti. Thlarau nih a thawh ve i, “An thlua a chuak taktak ko, an retheihnak cun an i din cang lai, zeitintiah an òuannak nih cun a zulh hna lai!” a rak ti ve.
14 Cun a hei zoh i, khih, vandawm rang cungah aa cit i Mi Fapa a lomi sui luchin chinh in a kut ah faah a har ngaimi aa putmi ka hmuh.
15 Cun, vanmi dang pakhat biakinn chungin a ra chuak i vanrang cung i a òhumi kha fak piin a hei auh, “Na faah kha i chuah law at, a caan a za cang i vawlei i rawl kha òuan a cu tuk cang,” a ti.
16 Cucaah vanrang i a òhumi nih khan a faah cu aa chuah i vawlei i rawl cu a òuan.
17 Van i biakinn chungin vanmi dang pakhat a ra i amah zong nih cun faah har ngaimi a ngei ve.
18 Cun biakòheng in vanmi dang pakhat a ra chuak. Cu vanmi cu mei cungah nawl a ngei i faah har ngai a ngeimi cu fak piin a hei auh “Na faah kha i chuah law vawlei mitsur bor khi vung at hna, zeitintiah mitsur an hmin cang,” a ti.
19 Vanmi nih cun a faah cu vawlei ah a thlak i vawlei i mitsur bor cu a ah i Pathian thinhunnak khor mitsur nennak ah cun a thlak dih hna.
20 Khuapi lengah mitsur nennak ah a cil i nennak khor cun rangchak tiang phan in thi a chuak i meng zahnih tiangin a luang.