12
1 Van hmelchunhnak khuaruahhar a lang. Minu pakhat nih nika aa aih i thlapa kha a ke in a lamh, a lu ah arfi pahleihnih Bawi luchin ah aa chinh.
2 Fa a pawi i nau nganfah in a ai hram lengmang.
3 Cun, van ah hmelchunhnak dang limkeng sen nganpi lu sarih le ki pahra a ngei i a lu ah bawi luchin pasarih aa chinhmi a lang.
4 A mei in van i arfi cheuthum cheukhat a hui hna i vawlei ah a thlak dih hna. Nau a hrin dih cangka in rak lemh colh dingin limkeng cu minu hmaiah cun a rak dir ko.
5 Fapa a hrin i Jentail mi hna thirfung in a uk hngami a si. Sihmanhsehlaw Pathian le a bawi òhutdan ah cunglei ah kaipi diam a si.
6 Minu cu ramcar ah a tli. Cuka ah cun ni thong khat le ni zahnih le ni sawm ruk i cawng dingin Pathian nih a rak timhmi a si.
Mikhael Nih Limkeng A Tei
7 Van ah ral a tho, Mikhael le a vanmi nih limkeng cu an doh i limkeng zong nih a vanmi he a rak doh ve hna.
8 Limkeng le a vanmi hna cu an sungh caah van ah cun an caah hmun a um ti lo.
9 Cu limkengpi, hlanlio rulpi, Khuachia le Satan timi, vawlei pumpuluk hlengtu le a vanmi hna cu vawlei ah an thlak hna.
10 Cun van in aw thang ngai ka theih i, “Kan Pathian khamhnak le a lianhngannak le a pennak le a Khrih nawlngeihnak cu a phan cang. Kan Pathian hmaiah a chun a zan in mi rawitu cu van in tla lakin hlonh a si cang.
11 Tuufa thi le a bia an chimnak in an tei cang, zeitintiah an nunnak pe in a thih hmanh an thi cang.
12 Van le a chungah a ummi vialte i lawm ko u, sihmanhsehlaw vawlei le rili hna nan caah òih a nung hringhran ko; zeitintiah khuachia cu thin hun tein nan sinah a ra, a caan a tawite cang ti kha a hngalh.
Limkeng Vawlei Ral A Ser Òhan
13 Cun limkeng nih vawlei ah tla ko in hlonh a si kha a hngalh tikah fapa a hringmi minu kha a dawi.
14 Sihmanhsehlaw minu cu ramcar ah rulpi phanh lonak i zam khawhnak ah murapi thla pahnih pek a si i cuka ah cun kum thum le a cheu chung aa hriim lai.
15 Rulpi nih cun nu kha fenhter awkah a kaa in tiva bantukin ti a chuahter.
16 Sihmanhsehlaw minu cu vawlei nih a rak chanh, vawlei nih cun a kaa a an i limkeng kaa chungin a chuakmi tiva cu a rak dawp dih.
17 Minu cungah cun limkeng cu a thin a hung i a hrin thlakmi hna Pathian nawlbia a ngaimi le Jesuh a zulmi hna doh awkah a kal.
Sahrang Pakhatnak
18 Cuticun limkeng cu rili tikam ah a dir.