11
Biatheitu Pahnih
Cun, òhiangòhunh bantuk tahnak fung a ka pek i “Tho law Pathian biakinn le biakòheng le a chungah Pathian a biami vialte khi tah dih hna. Sihmanhsehlaw biakinn leng i innleng khi cu tah hlah, cucu ngan ta, zeitintiah khakha cu Jentail hna sinah pek a si cang; mah hna nih cun khualipi thiang chung biakinn cu thla sawm li le thlahnih chung an lamhchih lai. Sihmanhsehlaw ka biatheitu pahnih hna kha khum puan aih in ni thong khat le ni zahnih le ni sawm ruk chung cu biachimnak nawl ka pek hna lai,” a ti.
Cu biatheitu pahnih hna cu Bawipa hmai i a dirmi Oliv thingkung pahnih le mei vannak pahnih cu an si. Hrawh an timh hna ahcun an kaa in mei a chuak i an ral cu an thah dih tawn hna. Hrawh a timmi hna paoh cu cuticun thah an si ko lai. Pathian phung an chim chung vialte ruah sur lo awkin van an khar khawh i tiva vialte thisen ah an canter khawh dih i an duh caan paoh ah vawlei ah hremnak phun kip an tlunter khawh.
Phung an chim dih tikah donglokhor in a ra chuakmi sahrang nih a doh hna lai, a tei hna lai i a thah dih hna lai. An ruak cu bia hmanthlak in Sodom le Izipt an timi, an Bawipa vailam tahnak khualipi zatlang lam ah an hrilh hna lai. Ram kip mi hna le miphun vialte le holh phunkip le Jentail mi hna nih ni thum le a cheu chung cu an cuanh ko lai i vui an thlauh hna lai. 10 Hi hna pahnih thih ruangah hin vawlei mi vialte an tha a nuam lai. Minung cungah hi profet pahnih hna nih hin temhnak tampi an chuahter caah lunglawmhnak puai an tuah lai i pakhat le pakhat laksawng an i chuah lai.
11 Sihmanhsehlaw ni thum le a cheu hnuah Pathian sinin thaw nung kha an chungah a lut i an ke in an dir, a hmutu hna paoh nih an òih tuk hna. 12 Cu hnuah cun van in aw thang ngai nih, “Hika ah hin hung tuah u,” a ti hna. An ral hna hmuh hngan te ah vanrang in vancung ah an kai. 13 Cu caan ah cun fak piin li aa hnin i khualipi cheuhra cheukhat cu a lo. Lihninh ah cun mi thong sarih an thi, a tangmi hna nih cun an òih tuk hringhran i vancung Pathian kha an thangòhat.
14 Harnak a pahnihnak cu a dih cang. Zohhmanh u, harnak a pathumnak a rachom lai.
15 Cun a pasarihnak vanmi nih muko a tum. Van in aw thang ngai nih, “Vawlei pennak cu kan Bawipa le Khrih pennak ah aa cang cang i a zungzal in a zungzal tiang a uk camcin cang lai,” a ti.
16 Pathian hmaiah an bawi òhutdan i a òhumi upa pakul le pali hna cu a hmaiah an bawk i Pathian cu an biak.
17 “A lianngan bik Bawipa Pathian,
A um lio le a um cangmi,
Na lianngannak hna cun
Pennak na thawk cang caah
Na min kan in thangòhat.
18 Jentail mi hna cu an ing a puang;
Sihmanhsehlaw na thinhun caan a phan cang,
Mithi hna cungah na biaceihmi
Na sal profet le mithiang mi hna
Milian le mihme, na min a òihzahmi hna
Lawmhman laksawng na pek hna caan le
Vawlei a hrawktu hna na hrawh ve hna caan cu
A phan ve cang,”
an ti.
19 Cun vancung i Pathian biakinn aa hung i biakinn chung i biahren kuang cu a lang; nimtlau a lek zukmak i aw a hung thang, khua a ri durmar i li aa hnin i rial an tla òhuimai.