10
1 Cun vanmi dang pakhat thil ti kho ngaimi van in a rung òum ka hmuh, vanrang in aa thuam i chuncha cu a lu ah aa ngerh. A hmai cu nika bantuk a si i a ke hna cu mei bantuk an si.
2 A kut ah cazual hmete samh ciami aa put i a orhlei ke cu rili ah a chiah i a kehlei ke cu vawlei ah a chiah;
3 chiandeih hrum thawng bantukin aw thang ngaiin a hrum i khuari pasarih an tor hluahmah.
4 Cuti khuari pasarih a rit hluahmah ah cun caòial awk kaa tim nain van in aw ka theih i “Khuari pasarih nih a chimmi kha thup law òial hlah,” a ti.
5 Cun rili le vawlei ah a ke a chiami vanmi nih khan van ah a kut a hler.
6 A zungzal a nungmi van le vawlei le a chungah a ummi vialte rili le a chungah a ummi vialte sertu min in, “A rau ti lai lo;
7 a pasarihnak vanmi nih a muko a tum tikah cun Pathian biakenret, a sal le profet hna sinah a phuanmi cu a tling cang lai,” tiah a chim.
8 Van in aw ka theihmi nih khan a rak ka chawnh òhan i, “Kal tuah, rili le vawlei karlak i a dirmi vanmi kut i cazual samhcia khi va la,” a ka ti.
9 Vanmi sinah cun ka va kal i cazual te cu ka va hal. A ka thawh i, “La law ei, na paw chungah cun a kha lai i na kaa tu ah cun khuaihliti bantukin a thlum lai,” a ti.
10 Vanmi kut i cazual cu ka lak i ka ei. Ka kaa ah cun khuaihliti bang cun a thlum, ka dolh tikah ka paw chungah cun a kha tuk hringhran.
11 A ka thawh i, “Mi kip, holh kip, ram kip le siangpahrang hna sinah phung va chim,” a ka ti.