2
Boaz Lo Ah Ruth Famua A Sua
1 Cun Naomi nih cun a va rualchan, Elimelek chung, mirum ngai, rualchan pakhat a ngei i a min cu Boaz a si.
2 Cun Moab minu Ruth nih cun Naomi cu a thawh i, “Lo ah va kal ning law a rak ka zaangfahtu paoh sinah famua ka va sua lai,” tiah a ti. Cun anih nih, “Va kal ko, ka fanu,” tiah a ti. Ref 2.2: Lev 19.9-10; Deu 24.19
3 Cucaah aa thawh i a kal i rawlòuantu hna hnuah khan famua cu a va sua; cun Elimelek chung a simi Boaz ta a simi lo ah cun a va phan sual ai.
4 Cun zohhmanh, Boaz cu Bethlehem in a ra i rawlòuantu hna sinah cun, “ Bawipa cu nan sinah um ko seh,” tiah a ti. Cun annih nih, “ Bawipa nih thluachuah in pe ko seh,” tiah an leh.
5 Cun Boaz nih rawlòuantu a zohtu hna a sinum sinah cun, “Mah hihi mizei ngaknu dah a si?” tiah a ti.
6 Cun rawlòuantu a zohtu hna sinum nih cun, “Moab mi ngaknu kha a si, Moab ram in Naomi he a raminu kha.
7 Amah nih hin, ‘Zaangfahnak tein, rawlòuantu hna hnuah hin faphal lakah famua ka suatter law, ka pumhter ko,’ tiah a ti. Cucaah a ra i zingka tein atu tiang a òuan lengmang, tlawmte hmanh i din hin loin,” tiah a leh.
8 Cun Boaz nih Ruth sinah cun, “Ngaihmanh, ka fanu, lo dang i famua va suat awkah kal hlah; hi zong hi chuahtak hlah, sihmanhsehlaw ka ngaknu pawl sinah hin um peng ko.
9 Annih nih an òuan liomi lo kha i zoh law, annih hnu in zul hna. Tlangval hna cu nangmah kha in tonghtham lo awkah bia ka riah hna khah. Cun na ti a hal tikah ti um ah khan va kal law, tlangval nih an thanmi kha va ding ko,” tiah a ti.
10 Cun a kun i vawlei lei hoih in a lu a khun i amah cu, “Phun dang mi ka si cu na hngalh ko, asinain, keimah cu na hei ka hngalh duh nakhnga ah, zeicahdah na hmaiah mithmai òha cu ka hmuh e?” tiah a ti.
11 Sihmanhsehlaw Boaz nih a leh i, “Na va a thih ri in na pi cung i na tuahmi vialte cu tling tein an ka chimh dih ko, na nu le na pa le na chuahnak ram na kaltak hna i a hlan i na hngalh bal lomi miphun sin i na ratnak hoi hna hi.
12 Bawipa nih na tuah ciami cu in rul seh law, Bawipa, Israel Pathian, a thla tangah i dor awk i na rak fuhmi nih cun, tampi in laksawng in pe ko seh!” tiah a ti.
13 Cun anih nih, “Ka bawipa, ka cungah na òha hringhran ko, zeitintiah ka hna na ka ngamter i, na salnu si ve hmanh hlah ning law, na salnu sinah hin bia nemnem na chim,” tiah a ti.
14 Cun rawl ei caan ah Boaz nih amah cu, “Hika hin ra law, changreu hoi hna hi ra ei ve, na changreu cheuchum cu mitsur hang chungah hnim ve,” tiah a ti. Cucaah rawl òuantu hna pawngah khan a òhu i vaireu kha Boaz nih a hei chanh i a khim tiang a ei, eibang zong tlawmpal a ngei.
15 Famua suat awkah aa thawh tikah khan, Boaz nih a tlangval pawl cu, “Faphal lakah hin suatter ko u law, si hlah u.
16 Cun a tom chung hna zong khan zuhpiak u law, kaltak hna u law, hun i suat seh, caa hlah u,” tiin nawl a pek hna.
17 Cucaah lo chungah cun zanlei tiang a sua; a suatmi cu a tuk i barli ephah pakhat hrawng a si.
18 Cun aa phorh i khua chungah a lut; a pi cu a suatmi kha a hmuhsak, cun a khim hnu i a tangmi rawl zong kha a chuah i a pek.
19 Cun a pi nih khan amah cu, “Khuazei ah dah nihin cu na suat? Cun khuazei ah dah na òuan? Nangmah a rak in hngal duhtu cu thluachuahnak hmu ko seh,” tiah a ti. Cucaah a pi cu aho sin i a òuan kha a chimh i, “Nihin ah a sin i ka òuan mipa min cu Boaz a si,” tiah a ti.
20 Cun Naomi nih a fapa nupi sinah cun, “A nungmi cungah siseh, a thimi cungah siseh, a zaangfahnak a ngol lomi Bawipa nih cun amah cu thluachuahnak pe ko seh!” tiah a ti. Cun Naomi nih a sinah, “Cu pa cu kan rualchan a si, kan sahlawh naih bik a si,” tiah a ti fawn. Ref 2.20: Lev 25.25
21 Cun Moab minu Ruth nih cun, “Cu hleiah, ‘Ka rawl òuan an dih hlantiang ka sinum hna sinah hin na um ve ko lai,’ a ka ti pei,” tiah a ti.
22 Cun Naomi nih, a fapa nupi Ruth sinah cun, “Ka fanu, a sinum ngaknu hna sin i na kal cu a òha ko lai, lo dang ah cun an in tonghtham sual hnga,” tiah a ti.
23 Cucaah Boaz ngaknu pawl sinah cun, barli le changvut òuan a dih tiang a um i famua cu a sua lengmang; cun a pi sinah cun a um.