4
(Gen 17:10)
A si ahcun thisa in a kan hringsortu Abraham kong ah zeidah kan chim lai? Zeicahtiah Abraham cu òuannak in thiamcoh a si ahcun i porhlawt awk a ngei hnga, sihmanhsehlaw Pathian hmaiah cun a si hnga lo. Zeicahtiah Cathiang nih zeitindah a ti? “Abraham nih Pathian a zumh i cucu dinnak ah relpiak a si,” a ti. A òuanmi pa cu a nihlawh kha laksawng ah ruahpiak a si lo i a hmuh hngami tu ah ruah a si. Cun mi pakhat cu a òuan lo nain mi òha lo thiam a cohtu pa a zumh ruangah cu a zumhnak cu dinnak ah relpiak a si. Cu bantuk cun David zong nih òuannak telh loin Pathian nih dinnak ah a ruahpiakmi pa cungah hitihin thluachuahnak a rak pek:
“An òhat lonak kha ngaihthiam a si i
An sualnak kha khuhpiak a simi hna cu mithluachuak an si;
Bawipa nih a sualnak kha sual ah a relpiak lomi cu mithluachuak a si,” a ti.
Cu thluachuahnak cu cuarpartanmi lawng maw pek an si, cuarpartan lomi zong dah? Zumhnak cu Abraham caah dinnak ah relpiak a si kan ti. 10 Cucu zeitindah relpiak a si? Cuarpar aa tan hlanah maw aa tan hnu ah dah? Cuarpar aa tan hnuah si loin aa tan hlanah a si. 11 Cuarpar aa tan hlan i a zumhnak in a hmuhmi dinnak hmelchunhnak ah cuarpar aa tan tu a si. Cucaah cuarpar aa tan lo nain zumhnak ruangah Pathian nih dinnak ah a relpiakmi hna vialte an pa i canter awk caah a si. 12 Cu bantuk òhiamòhiam in, cuarpartan sawhsawh si loin, Abraham nih cuarpar aa tan hlanah a ngeihmi zumhnak kha aa zohchunhmi cuarpartanmi hna an pa zong a si.
13 Abraham le a hrinthlakmi hna sinah vawlei roco awk biakammi cu phung ruangah a rami a si lo, zumhnak in dinnak ruangah a rami a si. 14 Phung zulmi hna cu rocotu hnga an si ahcun zumhnak cu zeihmanh a si lo i biakamnak zong pakpalawng a si. 15 Zeitintiah phung nih thinhunnak a chuahter; sihmanhsehlaw phung a um lonak ahcun buarsonak zong a um ve lo.
16 Phung zulmi hna ca lawng si loin Abraham zumhnak aa hrawmmi hna dihlak le Abraham a hrinthlak vialte hna caah biakamnak cu velngeihnak thawngin a si ti langhternak caah zumhnak ah aa hngatchannak cu a si. 17 Zeitintiah amah cu kannih vialte Pa a si. Abraham nih a zumhmi, mithi a nunter òhantu, a um lomi a umtertu Pathian hmaiah cun, ‘Miphun vialte Pa ah kan ser cang’ tiah Cathiang nih a ti bantuk khan a si. 18 Ruahchannak a um lonak zongah miphun kip Pa a si lainak chim a si cang bantuk khan si awk cu aa ruahchan. ‘Na tefa hna mah zat cu an si te lai’ tiah a rak timi kha a si. 19 A pumsa a ruah tikah mithi khan a si ko cang, zeitintiah kum zakhat tluk a si cang i Sarah cu hring lo a si ti a ruah ko buin a zumhnak cu a duai lo. 20 Zumh lonak nih Pathian biakam cungah lungawòawmnak a ngeihter lo, Pathian a thangòhat i a zumhnak a òhawng chinchin. 21 Pathian nih a kamhmi cu a tuah khawh lai ti kha fek tein a zumh. 22 Cucaah cun a zumhnak cu ‘Dinnak ah relpiak a si!’ ti a si. 23 “Dinnak ah relpiak a si,” timi bia cu amah ca lawngah òial a si lo; 24 Jesuh kan Bawipa thihnak in a thawhtertu a zummi, dinnak ah relpiak a simi kanmah ca hna zongah òial a si. 25 Amah cu kan sualnak ruangah thah a si i thiamcoter kan si nakhnga caah thawhter a si.