2
Maw mipa, aho na si zongah naa silhnalh kho hlei lo; zeitintiah midang na soi hna tikah nangmah mi soitu zong nih na tuah ve ko caah nangmah le nangmah naa soi a si ko. Cu bantuk a tuahmi hna cu Pathian dantatnak a cungah tlun awk aa tlak ti kan hngalh. Maw mipa, nangmah lila nih na tuah komi kha midang nih an tuah ve tikah na soi hna ahcun Pathian biaceihnak cu ka luat lai tiah na ruat maw? Asiloah Pathian nih zaangfahnak, lungsaunak le in khawhnak tampi a ngeih kha dahra a ping in naa zumh sual? Pathian zaangfahnak cu nunòhinh i an hruaitu ding a si ti na hngal lo maw? Na lunghah le na khawngtawn ruangah Pathian biaceihnak a dingmi a langh tik caan thinhunnak cu nangmah nih naa khon a si ko. Zeitintiah ahopaoh an tuah ning cio in a ceih hna lai. Sunparnak le lianngannak le thihti lonak caah lungsau in a kawlmi hna cu nuncanghmunhnak a pek hna lai; Sihmanhsehlaw mah karkalak lawngah aa huihthaihmi le biatak zul loin òhat lonak a zulmi hna caah cun thinhunnak le thinlinhnak a si lai. Thilòhalo a tuahmi kip caah temhinnak le lung sivanghnak a um lai. Judah mi hna cungah a um hmasa lai i cu hnuah Grik mi hna cung zongah a um ve lai. 10 Thilòha a tuahmi hna tu nih cun Pathian sinin sunparnak, upatnak le daihnak kha a mi kip nih an hmuh lai. Judah mi hna caah a um hmasa lai i cu hnuin Grik mi hna ca zongah a um ve lai. 11 Zeitintiah Pathian nih mi a duhdanh lo. 12 Phung loin a sualmi vialte hna cu phung loin an rawkral lai; phung tangah a sualmi vialte cu phung nih bia a ceih hna lai; 13 zeitintiah Pathian hmaiah a dingmi cu phung kha hna lawngin a theimi an si lo, asinain phung ningin a tuahmi an si i thiamcoh an si lai. 14 Phung ngei lo Jentail mi hna nih thil sining in phung nih a fialmi hna kha an tuah tikah anmah nih phung ngei hmanh hna hlah seh law anmah kha phung an si. 15 Phung nih a fialmi hna cu an thinlung chungah òial a si ti kha an chiaòha thleidannak nih a caan ah sual a phawt tawn hna i a caan ah thiam a coh tawn hna nakkhan a lang. 16 Pathian nih Khrih Jesuh in minung biathup a ceih ni ah cun ka chimmi thawngòha bia ning hin a ceih te ko lai.
17 Sihmanhsehlaw Judah mi ka si tiin phung naa hngatchan i, Pathian he naa pehtlaihnak ah naa porhlaw i 18 phung in cawnpiakmi na si caah a duhmi na hngalh, a òhami zong na hngalh; 19 mitcaw hna hruaitu, muihnak ah a ummi hna ceutertu; 20 mihrut mi hna fimtertu, ngakchia hna cawnpiaktu ka si hrimhrim tiah naa ruah i phung ah hngalhnak le biatak a um ti na hngalh òung ahcun— 21 nang, midang hmanh a cawnpiaktu nih cun nangmah le nangmah tah naa cawnpiak lai lo maw? Fir òhat lonak na cawnpiak lioah nangmah tah na fir maw? 22 Òangdangpom sualnak na tuah lai lo a timi nangmah nih tah cu sualnak cu na tuah maw? Siasal a fihmi nangmah nih biakinn na rok maw? 23 Phung ah aa porhlawmi nangmah nih phung buar in Pathian thang na chiat maw? 24 Zeitintiah, “Nangmah ruangah Pathian min cu Jentail mi hna sinah a thang a chia, tiah rak òialmi a um. 25 Cuarpartannak cu phung na zulh ahcun man a ngei taktak, sihmanhsehlaw phung na buar ahcun na cuarpartannak cu tan lo ah a cang. 26 Cucaah cuarpartan lomi pakhat nih phung chung bia a zulh ahcun a cuarpartan lonak kha cuarpartan ah ruahpiak a si hnga lo maw? 27 Cuti a si ahcun òialmi phungphai a ngei i cuarpar zong aa tanmi nih phung a buar ahcun taksa ah cuarpar aa tan lo nain phung a zulmi nih cun an in hnon lai. 28 Zeitintiah leng lang lawngin Judah mi a simi cu Judah mi taktak a si lo caah leng lang le taksa ah cuarpar aa tanmi cu a hmanmi cuarpar tan a si lo. 29 A chungin Judah mi a simi cu Judah mi taktak a si i cuarpartan zong lungthin ah a si; a cafang ah si loin thlarau lei tu ah a si. A thangòhatnak cu minung sinin si loin Pathian sinin a si.