15
Kannih a òhawngmi hna nih kanmah lung sinak si loin a derthawmmi hna tlamtlin lonak kha kan inpi hna awk a si; kan innpa an òhatnak cungah an lunglawmhter hna in òhanter hna u sih. Zeitintiah, “Nangmah an mawhchiattu hna mawhchiatnak cu ka cungah a tla cang,” tiah rak òial a si bang khan Khrih hmanh nih amah le amah lung sinak a tuah lo. Hlan lioah rak òialmi paoh cu kanmah cawnpiaknak caah a si, Cathiang cawnpiaknak in fehnak le thazang peknak hna cu ruahchannak a kan ngeihtertu dingah a si. A fekmi le thazang petu Pathian nih Khrih Jesuh he aa tlakmi, pakhat le pakhat lungthin i khahnak in pe ko hna seh; cuticun aw khat in hmunkhat ah Bawipa Jesuh Khrih a Pathian le a Pa cu nan thangòhat khawh cio lai.
Pathian sunlawinak caah Khrih nih an conglawmh hna bantukin pakhat le pakhat i conglawm ko u. Zeitintiah Pathian biatak langhternak caah Khrih cu cuarpartanmi hna òuankan ah aa cannak cu kan pupa hna sinah pekmi biakam fehternak caah a si tiah kan chimh hna: cucu Jentail mi hna a zaangfahnak caah Pathian an thangòhat khawh nakhnga caah a si. Hitihin òial a rak si;
“Cucaah Jentail mi hna lakah kan thangòhat lai i
Na min cu hla in ka sak lai;”
10 Cun hitihin a chim fawn,
“Maw Jentail mi hna,
A mi hna he cun i lawm ko u;”
11 Cu hleiah, “Jentail mi vialte hna, Bawipa cu thangòhat ko u,
Mi vialte zong nih thangòhat ko hna seh;”
12 Cu pinah Isaiah nih hitihin a chim,
“Jesse ciruang a ra lai,
Amah cu Jentail hna uktu ah a chuahter,
Amah ah cun Jentail hna nih ruahchannak an ngeih lai.”
13 Thiang Thlarau huham thawngin ruahchannak in nan khah nakhnga ruahchannak Pathian nih cun zumhnak ah lawmhnak le daihnak he in khahter ko hna seh.
14 Ka u le ka nau hna, òhatnak in nan khat i hngalhnak ah nan tling i pakhat le pakhat nan i cawnpiak kho tiah nan kong ah ka lung a tling ko. 15 Sihmanhsehlaw nan ruah òhan ding a cheu cu ralòha ngaiin nan sinah ka rak òial, 16 cucu Jentail mi hna pekchanhnak kha Thiang Thlarau nih thianter in cohlan awktlak si dingin Pathian velngeihnak ka hmuhmi thawngin Pathian thawngòha tlangbawi rian ah khan Khrih lalang ka si caah a si. 17 Cu a si caah Jesuh Khrih ah Pathian rianòuan ka sinak ah hin porhlawtnak chan ka ngei. 18 Zeitintiah Jentail hna zumhter awkah Khrih nih keimah hmang in òuan awk dah ti lo cu bia in siseh, òuan nakin siseh, 19 hmelchunhnak le khuaruahhar huham in siseh, Thiang Thlarau huham in siseh òuan awkah kaa tim lo; Jerusalem in Ilirikum hrawng tiang Khrih thawngòha cu tlamtling tein ka chim ko cang, 20 cucaah midang nih hram an derhciami ah sak loin Khrih min an chim bal lonak i thawngòha chim kha ka tumtahmi a si. 21 Sihmanhsehlaw,
“A kong an chimh bal lomi hna nih an hmuh lai,
A thei bal lomi hna nih an hngalh lai,” tiah rak òial a si.
22 Mah ruangah cun nan sin i rat kha dawnkhantu ka ngeih lengmangnak cu a si. 23 Sihmanhsehlaw atu cu hika hrawng ah hin rianòuannak hmun ka ngeih ti lo ca le kum tampi chung nan sin i rat ka duh caah, 24 Spain ka kal tikah rak in hmuhpah hna ning law caan tlawmpal nanmah he i nuamh tak hnuin nanmah bawmhnak in ka tlawn duhnak ah cun nan ka thlah te lai tiah kaa ruahchan. 25 Sihmanhsehlaw atu tu cu mithiang hna ca i bawmhnak he Jerusalem ah ka kal rih lai. 26 Zeitintiah Masidonia le Akhaia mi hna nih Jerusalem mithiang hna lak i sifak hna caah lunglawm tein bawmhnak tlawmpal an thawh. 27 An thawh caah an i lawm, an thawh khan hrimhrim a si; zeitintiah Jentail hna zong nih Judah mi thlarau lei thluachuahnak an i hrawm bantukin thilri lei thluachuahnak in an bawmh ve hna awk a si. 28 Cucaah ka rian hi ka lim i thawhburmi kha ka va pek tik hna ah nanmah palpah in Spain ah cun ka lan te lai. 29 Nan sin ka rat tikah cun Khrih thluachuahnak tlamtling he ka ra lai ti kha ka hngalh.
30 U le nau hna, kan Bawipa Jesuh Khrih le Thlarau dawtnak in Pathian sinah keimah caah thla nan rak cam òi cionak lai kan nawl hna; 31 Judea ram i a zum lomi hna kut in ka luat nakhnga caah siseh, Jerusalem i ka rianòuannak cu mithiang mi hna nih an cohlan nakhnga caah siseh, 32 Pathian nawl a si ahcun lunglawm tein nan sin i ka rat khawh nakhnga caah siseh, nanmah sinah thazang kaa tharchuah khawh nakhnga caah siseh, thla rak cam ko u. 33 Daihnak Pathian cu nan dihlak cungah um ko seh. Amen.