1 Cu a si caah u le nau hna, Pathian zaangfahnak thawngin nan pumsa cu cohlan tlak le a thiangmi si awkah a nungmi raithawinak ah Pathian sin i chanh awkah kan nawl hna, cucu cohlan tlak le thlarau lei biaknak nan tuah awk hnga cu a si. 2 Hi vawlei sining ah hin i òawm hlah u, nan lungthin thar chuahnak tu in i thleng ko u, cuticun Pathian duhning, a òhami le cohlan awktlak le a thiangmi cu nan hngalh khawh lai.

3 Zeitintiah Pathian nih velngeihnak a ka pekmi thawngin kan thlauh hna; ahopaoh nih nan sining nak sang deuh ah i ruat hlah u; sihmanhsehlaw Pathian nih a mi kip sinah zumhnak a pek ciomi hna ning he aa khanmi kha ruah awkah kan sawm hna. 4 Zeitintiah pum pumkhat ah cheubang tampi kan ngeih cio bantukin cheubang kip cu an cawlcangh ning aa khat cio lo; 5 cucaah kannih zong tampi kan si nain Khrih chungah pumkhat kan si i pumpak cio in aa pehtlaimi kan si. 6 Velngeihnak a kan pek ningin a laksawng dang cio kan co; phungchimnak a si ahcun zumhnak kan ngeihmi khan tawk in hmang u sih; 7 mi rianhnak a si ahcun rian hna u sih, cawnpiaknak a si ahcun cawnpiak hna u sih; 8 Forhthiamnak a si ahcun forh hna u sih; thawhburnak a si ahcun siang ngaiin thobur u sih, hruainak a si ahcun lungtho tein hruai hna u sih; mi zawnruahnak a si ahcun thanuam tein mi zawnruat u sih.

9 Dawtnak cu lungthin tak tein a si awk a si; òhat lonak cu hua u law òhatnak cu i tlaih peng ko u. 10 Unau tlaihchan nakin pakhat le pakhat i daw u law pakhat le pakhat i upatnak langhternak ah hleih i zuam cio u. 11 Daithlang loin thlarau leiah lung thawhnak he Bawipa rian cu òuan ko u. 12 Nan ruahchannak ah cun nan thanuam seh law harnak ah cun nan lung sau in thlacam zungzal ko u. 13 Mithiang hna herhbaunak ah bawmchan hna u law khualtlung daw hna u. 14 An hremtu hna kha thluachuah pe hna u law chiatserh hna hlah u. 15 Thanuammi sinah nan thanuam u law a òapmi sinah òap ve u. 16 Pakhat le pakhat i rualrem tein nung u; nan lung ngan hlah u, mi nauta he i kom u law i fimter tuk hlah u. 17 Òhat lonak kha òhat lonak in lehrul hlah u law mi vialte hmuh ah aa dawhtlakmi thil ruat ko u, thil tuah i zuam uh. 18 A si khawh i nangmah ti khawhmi a si ahcun mi vialte he rualrem tein nung ko u. 19 Ka dawtle hna, zeitik hmanh ah teirul va cham hlah u, Pathian thinhunnak tu kian ko u; zeitintiah, “Bawipa nih phuhlam cu keimah ta a si i keimah nih ka lehrulh te ko lai a ti,” tiah rak òial a si. 20 Cuti si loin “Na ral cu a rawl a òam ahcun rawl pe law, a ti a hal ahcun ti dinh ko; cuti na tuah ahcun a lu cungah meiòil na chonh lai.” 21 Òhat lonak nih in tei hna hlah seh law òhat lonak cu òhatnak tu nih tei ko seh.