11
(Slm 69:22-23; Isa 29:10)
Cun Pathian nih a mi hna cu a hlaw hna maw? tiah keimah nih ka hal. Hlaw naisai hlah! Keimah hrim hi Israel mi, Abraham hrinthlak, Benjamin phun chungmi pakhat ka si. Pathian nih a miphun i a rak thimciami cu a hlaw hna lo. Elijah nih Israel mi hna a mitkem ruangah Pathian cu zeitindah a va nawlphiar tinak kong Cathiang nih a chimmi kha nan hngal lo dahra? “Bawipa, na profet hna an thah hna, na biakòheng an chimh; keimah lawng ka tang i ka nunnak zong an ka kawl rih,” a va ti. Sihmanhsehlaw Pathian nih amah a lehnak kha zeitindah a si? “Baal hmaika ah a khuk aa bil lomi keimah caah mi thong sarih kaa ret ko rih hna,” a rak ti. Cu bantuk cun atu ah hin a vel in thimmi a tangmi an um ko rih. Sihmanhsehlaw cucu vel in a si ahcun òuannak cherhchan in a si ti lo, cu lo ah cun vel cu vel a si ti hnga lo.
Cun tah, zeitindah Israel nih a kawlmi hna kha hmuh loin a tlolh hna? Thimmi nih an hmuh i a dang cu an lung a hahter hna; Hi bantuk hin òial a rak si;
“Nihin ni tiang hin Pathian nih mi cuarcar ah a ser hna i,
An mit a ra i
An hna a ku.”
Cun David zong nih,
“An rawl danghnak cu thang le rap si seh law,
An caah tlaknak tlung le teirul chamnak siseh.
10 An hmuh lo nakhnga an mit cu cawtter in
An keng cu kul zungzal ko seh,” a rak ti.
11 Cucaah i pah in an ril maw? tiah ka hal. Ril naisai hlah! Sihmanhsehlaw an tluk ruangah khamhnak cu Jentail hna sinah a phan, cucu Israel mi hna an nah a chuah nakhnga caah a si. 12 An tlukrilhnak cu vawlei caah rumnak a si i an tlolh ruangah Jentail hna rumnak a si ahcun Judah mi telh dih an si tikah cun zeitluk riamruam in dah aa hleih te lai!
13 Atu cu nanmah Jentail mi hna sinah ka chim. Jentail mi hna sinah lamkaltu ka si hi kaa chawr ko, 14 Ka hawile Judah mi hna hi a cheu tal khamh an si khawh nakhnga an nahchuahter awk caah a si. 15 Zeitintiah hnon an sinak cu vawlei pumpi remter òhannak a si ahcun an cohlannak cu zeidah a si hnga, thihnak in nunnak tu a si ko hnga lo maw? 16 Chang nawnmi chungin tlai ter caah pekmi chang dar cu a thian a si ahcun changnawn hlum cu a ning piin a thiang ko; cun a hram a thian ahcun a nge hna zong an thiang ko.
17 Sihmanhsehlaw a nge a cheu an khiah ahcun nannih, ramlak oliv òeng kha oliv òhatnak vialte i hrawm awkin a kiahnak hmun ahcun peh nan si; khi nge hna cungah khin 18 i porhlaw hlah u. Nan i porhlawt ahcun hram a derhòhohtu cu nannih nan si lo, a hramtu nih nannih kha an derhòhoh hna ti kha i cinken ko u. 19 Keimah pehnak dingah a nge hna cu khiah an si nan ti ko lai. 20 Biatak a si ko. Khiah an sinak cu an zumh lo ruangah a si; sihmanhsehlaw nannih fek tein nan dirnak cu zumhnak lawngin a si. Cucaah i porhlaw hlah u, a òih tu in òih u. 21 Pathian nih kotho nge hmanh a zuah lo ahcun nannih zong an zuah hlei hna lai lo dahkaw. 22 Pathian zaangfahnak le a puarhran zia hi ruat ko u; a tlumi hna caah a puarhrang i a zaangfahnak i na um ko ahcun nang tu cu Pathian zaangfah na tong ko lai, cu lo ahcun nangmah zong thlamh na si ko lai. 23 Israel mi hna hmanh kha, zumh lo i an um peng ko rih dah ti lo ahcun, peh òhan an si ko lai, zeitintiah Pathian cu peh òhan khawhnak nawl a ngei. 24 Zeitintiah na kotho in ramlak oliv kung a simi hmanh thlamh i na kotho he aa ralchanmi oliv taktak ah peh na si ahcun an kotho in oliv taktak nge a simi cu zeitluk in dah anmah oliv kung ah cun peh an si deuh chinchin lai.
25 U le nau hna, hi biathup hi nan hngalh awk ka duh, cu lo ahcun a fim ah nan i ruat sual hnga: Jentail hna an dihlak in an i tel dih hlan paoh cu Israel mi a cheu hna sinah lung hahnak a phan; 26 cuticun Israel mi vialte cu khamh an si lai;
“Luattertu cu Zion in a ra lai,
Jakob sinin òhat lonak kha a hloh lai.”
27 “An sualnak cu lo lakin ka lak tikah
Anmah he ka biahrennak cu ka tuah lai,” tiah rak òial a si.
28 Thawngòha kong ah cun nanmah ruangah Pathian ral an si; sihmanhsehlaw thimnak kong ah cun an pupa hna thawngin dawtmi an si. 29 Zeitintiah Pathian laksawng le a auhnak cu let òhan khawh a si ti lo. 30 Nannih zong voi khat cu Pathian nawlngai lomi nan rak si nain an nawlngaih lo ruangah Pathian nih nannih cu an zaangfah hna; 31 cu bantuk cun atu ah nannih nih zaangfahnak nan hmuh caah zaangfahnak an hmuh ve te nakhnga atu i nawl an ngaih rih lonak hi a si. 32 An dihlak cung i a zaangfahnak langhter awk hnga caah mi vialte cu nawlngaih lonak ah a khumh dih hna.
33 Pathian rumnak le fimnak le a hngalhnak cu a va thuk hringhran dah! A biakhiahnak cu ahodah a kherhlai kho lai i a lam cu ahodah a dot kho lai!
34 “Zeitintiah Bawipa lungthin cu ahodah a hngal i
A fimchimtu cu ahodah a rak si?
35 A rulh òhan awkin aho nih dah laksawng an pek bal?”
36 Zeitintiah thil vialte hi amah sin le amah thawng le amah caah a ummi an si. Sunparnak cu amah sinah um camcin ko seh! Amen.