10
1 U le nau hna, ka lungthlitum le Pathian sinah an ca i ka thlacammi cu khamh an si nakhnga caah a si.
2 Pathian caah an i zuam ngaigai ko nain an hngal fiang lo ti cu a hngaltu ka si.
3 Pathian sinin a rami dinnak an hngalh lo ca le anmah ti ning an i tlaih peng caah Pathian dinnak ah cun an i peh lo.
4 Zeitintiah a zummi paoh cu miding an si nakhnga Khrih cu phung a donghnak a si.
5 Phung cherhchanmi dinnak a tuahmi pa cu, cu dinnak phung cun a nung lai, tiah Moses nih a rak òial.
6 Sihmanhsehlaw zumhnak aa cherhchanmi dinnak ah cun hitihin a ti, “Ahodah van ah a kai lai?” (cucu Khrih rak òumpi awkah);
7 asiloah, “Ahodah donglo khor ah a òum lai?” (cucu thih nakin Khrih rak chuahpi awkah) tiah na lung chungin ti hlah.
8 Sihmanhsehlaw zeidah a chim? Bia cu na pawngte le na hmurka le na lungthin chungah a um ko (cucu kan chimmi zumhnak bia cu a si);
9 zeicahtiah Jesuh cu Bawipa a si tiah na ka nih a phuan i thih nakin thawhter a si tiah na lung tak tein na zumh ahcun khamh na si lai.
10 Zeitintiah mipa nih a lungthin in a zumh i thiamcoh a si, cun a ka in a phuan i khamh a si.
11 Cathiang nih, “Amah a zummi paoh cu ningzahter a si lai lo,” a ti.
12 Zeitintiah Judah mi le Grik mi hna karah thleidannak a um lo; Bawipa pakhat cu mi an dihlak Bawipa a si i amah a aumi paoh cu a thluachuahnak a òhumhthlak hna.
13 Zeitintiah, “Bawipa min a aumi paoh cu khamh an si lai.”
14 Sihmanhsehlaw an zumh lomi pa cu mi nih zeitindah an auh khawh lai? Cun an theih bal lomi pa cu zeitindah an zumh lai? Cun phungchimtu um loin zeitindah an theih lai?
15 Thlah an si lo ahcun zeitindah an chim khawh lai? “Thawngòha chimtu hna an ke cu zeitluk in dah aa dawh!” tiah òial a rak si.
16 Sihmanhsehlaw an dihlak in thawngòha cu an zul lo; Isaiah nih, “Bawipa, aho nih hen kan sinin an theihmi cu an zumh?” a rak ti.
17 Cu a si caah zumhnak cu theih nakin a ra i theihnak cu Khrih kong chim nakin a ra.
18 Sihmanhsehlaw kei nih, an thei rih lo maw? tiah ka hal. Thei hen ta, zeitintiah,
“An aw nih vawlei vialte a cul dih,
An bia nih vawlei deng tiang a phanh,” ti a si.
19 Ka hal òhan i Israel nih hin a theithiam lo maw? ka ti. A hmasa ah Moses nih,
Mi phun hmanh a si lomi hna kha kan hngarter hna lai,
Miphun hrutmi hna cungah nan thin kan hunter hna lai,” a ti.
20 Cun Isaiah nih ralòha ngaiin,
“A ka kawl lomi hna nih an ka hmuh;
A ka hlam lomi hna sinah kaa langhter,” a ti.
21 Sihmanhsehlaw Israel mi hna cungah cun,
“Nawl ngai lo le ral a sermi hna kha
chunnitlak in ka kut ka chanh hna,” a ti.