6
Solomon Biachimmi
(1Sia 8.12-21)
Khi tikah Solomon nih aa thawh i,
“ Bawipa nih a chahmi
muihnak chungah ka um lai, tiah a ti.
A sunglawimi inn kan sakpiak cang,
Zungzal in na umnak ding caah,”
tiah a ti. Cun siangpahrang cu a hnulei aa mer i Israel mi aa pummi vialte cu an dir lioah, Israel mi aa pummi vialte cu thluachuah a pek hna. Cun aa thawh i, “Ka pa David sinah, Ref 6.4-9: 2Sam 7.1-13; 1Cha 17.1-12 ‘Ka mi Israel mi hna cu Izipt ram in ka chuahpi hna ni thawk in, Israel mi hna phun chung i khua zeihmanh kha, ka min umnak ding i inn saknak caah, ka thim lo i ka mi Israel mi hna cung i bawi caah ahohmanh ka thim hna lo; sihmanhsehlaw ka min cu khika ah a um nakhnga Jerusalem cu ka thim i David cu ka mi Israel mi hna cung i um awkah ka thim,’ tiin a ka in a chimmi a biakamnak kha a kut in a tlintertu Bawipa, Israel Pathian cu thangòhat si ko seh. Bawipa, Israel Pathian min ca i inn rak sak kha ka pa David lung chungah a rak um ko. Sihmanhsehlaw Bawipa nih ka pa David cu a thawh i, ‘Ka min ca i inn sak awk kha na lung chung i a um caah, mah cucu na lung chung i na umter cu a òha; asinain, nangmah nih cun inn cu na sa lai lo, sihmanhsehlaw nangmah nih na hrin laimi na fapa nih ka min ca inn cu a run sak te lai,’ a ti. 10 Atu cu Bawipa nih a biakamnak a sermi kha a hun tlinter cang; zeitintiah ka pa David hmun ah khan ka kai cang i Bawipa biakam bang khan Israel mi bawi òhutdan cungah ka òhu i Bawipa, Israel Pathian min caah khan inn cu ka sak cang. 11 Cun Israel mi hna he Bawipa nih biakamnak a tuahmi khumhnak kuang kha khika ah cun ka chiah cang,” tiah a ti.
Solomon Thlacamnak
(1Sia 8.22-53)
12 Cun Solomon cu Bawipa biakòheng hmaiah khan Israel mi a pummi vialte hna hmuh ah cun a dir i a kut kha a phar hna. 13 Solomon nih dar in donhhlei pakhat, dong nga a sau, dong nga a kau i dong thum a sangmi kha tual ah khan a chiah i a cungah cun a dir. Cun Israel mi aa pummi vialte hna hmaiah cun a khuk aa bil i van leiah a kut a phar hna; 14 cun aa thawh i, “Maw Bawipa, Israel Pathian, van ah siseh, vawlei ah siseh, nangmah bantuk Pathian zeihmanh an um lo, nangmah nih cun na hmai i an lungthin dihlak in a kalmi na salle hna cungah cun na biakamnak kha na zulh i a fekmi na dawtnak kha na langhter; 15 na sal David, ka pa sinah na rak kamhmi cu na zulh; asi, a sinah na ka in na rak chim i mah cucu nihin ni ah hin na kut in na tlinter. 16 Cucaah maw Bawipa, Israel Pathian, na salpa David ka pa sin i, ‘Na fapale hna nih hin, nangmah nih ka hmaiah na rak kal bantuk khan ka nawlbia chung i kal hi an i ralrin ahcun, Israel mi bawi òhutdan cung i ka hmaiah a òhu dingmi na òhing lai lo,’ tiin bia na rak kammi kha tlinter ko. Ref 6.16: 1Sia 2.4 17 Cun maw Bawipa, Israel Pathian, na salpa David ka pa sin i na rak chimmi bia kha fehter ko.
18 “Sihmanhsehlaw Pathian nih cun vawlei cungah cun minung sinah hin khua a sa taktak hnga maw? Zohhmanh, van le a sang bik van nih khin an in tlum lo; zeitindah hi keimah sakmi inn chinchin nih cun an tlum hnga! Ref 6.18: 2Cha 2.6 19 Sihmanhsehlaw na salpa nih thla ka camnak le kan nawlnak cu ka ngaihpiak ko sawh, maw Bawipa ka Pathian, nangmah hmaiah na salpa nih thla ka camnak le ka aunak cu ka theihpiak ko sawh; 20 zeitintiah nangmah nih na min chiahnak caah bia na kammi hmun, hi inn leiah hin chun zan in na mit na chiah nakhnga le hi inn lei hoih in na salpa nih thla ka cammi hi na theih nakhnga. Ref 6.20: Deu 12.11 21 Cun na salpa le na mi Israel mi hna nih hi hmun lei hoih in thla kan cam tikah, kan in nawlnak cu kan theihpiak ko; asi, na umnak hmun van khin run thei ko law, cun na theih tikah kan ngaithiam ko.
22 “Mi pakhatkhat nih a innpa cungah a sual i chiat serter a si i a chiatsernak cu hi inn chung na biakòheng hmaiah hin chimter a si ahcun, 23 khi tikah nang nih van khin run thei law, run òuan law, na salle cu bia run khiak ko hna, a mawhtu cu amah lu lila ah a ziaza kha tlunter in sual run phaw law, a dingmi cu a dinnak ningin pek awkah thiam coter ko.
24 “Na mi Israel mi hna cu nangmah cung i an sual caah an ral hna hmaiah an sungh ahcun, annih nih an i mer òhan i na min kha an upat i nangmah kha hi inn chungah an in nawl i na sinah thla an cam tikah, 25 van khin rak theihpiak hna law na mi Israel mi sualnak cu ngaithiam law, annih le an pupa hna sinah na pekmi ram ah cun kirpi òhan ko hna.
26 “Cun nangmah cung i an sual ruangah van cu a pih i ruah a sur lo tikah, hi hmun lei hoih in thla an cam i na min kha an upat i nangmah nih na hrem hna tikah an sualnak kha an mertak ahcun, 27 nangmah nih an kal nakhnga ding lam òha kha na cawnpiak hna tikah, van ah khin rak thei law, na mi Israel mi, na sal hna an sualnak kha rak ngaithiam ko hna; cun na mi hna sinah ro caah na pekmi na ram cungah cun ruah cu surter ko.
28 “Ram chungah hin mangòam a tlun ah siseh, rai a tlun ah siseh, rocarnak le theikung rai a tlun ah siseh, khaubok le lunghmul an tlun ah siseh, an ral hna nih khan an khua pakhatkhat i an hren hna ah siseh, zei bantuk rai hmanh si ai kun, zei bantuk zawtnak hmanh si ai kun, 29 Israel mi nih an dihlak in siseh, ahopaoh nih siseh, zei bantuk thlacamnak zong si ko seh, zei bantuk nawlnak zong si ko seh, an tuah i hremnak an in ciomi le an ngaihchiatnak cio kha an hngalh i hi inn leiah hin an kut an zao hna ahcun, 30 khi tikah nang nih na umnak van khin rak theihpiak hna law, ngaithiam hna law, an zulhmi lam vialte ning cio ah an lungthin nangmah nih na hngalh komi hna cu pe ko hna, zeitintiah nangmah lawnglawng nih minung fa hna an lung cu na hngalh; 31 kan pupa na rak pekmi hna ram ah hin khua an sak chung vialte nangmah kha an in òih i na lam kha an zulh hna nakhnga, theihpiak ko hna.
32 “Cu bantukin, na mi Israel mi a si lomi ramdangmi nih, na min ngan le a òhawngmi na kut le na samhmi na baan ruangah lam hlatpi ram in an rat i hi inn lei hoih in thla an cam ahcun, 33 na umnak van khin rak theihpiak law, ramdangmi nih an in auhnak vialte ning in tuahpiak ko hna; zeitintiah vawleicung mi vialte nih na mi Israel mi bangin, na min kha an theih i nangmah kha an in òih i hi inn ka sakmi hi nangmah min in kawh a si kha an hngalh nakhnga, theihpiak ko hna.
34 “Cun na mi hna cu an ral doh awkah an kal ahcun, zei lam zongin na kalter hna a si ah, nangmah nih na thimmi khua hi le nangmah min caah ka sakmi inn lei hoih hin nangmah sinah thla an cam ahcun, 35 khi tikah van khin an thlacamnak le an in nawlnak cu rak theihpiak hna law, annih an rian ah cun òanpi ko hna.
36 “Annih nih na cungah an sual ahcun § zeitintiah a sual lomi minung an um lo § cun an cungah na thin a hun i ral kut chungah annih cu na chanh hna i a naimi ram ah siseh, a hlami ram ah siseh, sal ah kalpi an si i 37 sihmanhsehlaw sal ah an kalpi hnanak ram ah cun, an lung a hung pem i an i ngaihchih i sal ah an tannak ram ah cun na sinah, ‘Kan sual cang, dinglo pi le òhalo piin thil kan tuah cang,’ tiin nawlnak an tuah ahcun, 38 sal ah an kalpi hna i sal i an tannak ram ah cun an ruahnak dihlak le an lungthin dihlak in an i ngaihchih i an pupa hna sinah na rak pekmi an ram le nangmah nih na thimmi khua le na min caah ka sakmi inn lei hoih in nangmah sinah thla an cam ahcun, 39 khi tikah na umnak van khin an thlacamnak le an in nawlnak cu rak theihpiak hna law an rian ah cun òanpi ko hna law nangmah cung i a sualmi na mi cu ngaithiam ko hna. 40 Maw ka Pathian, hi hmun thlacamnak hi run hmu ko sawh law, run thei ko sawh.
41 “Maw Bawipa Pathian, tho law
na umnak hmun ah cun kal tuah,
Nangmah le na òhawnnak
kuang zong.
Maw Bawipa Pathian, na tlangbawi
hna cu khamhnak in
thuam hna law,
Na mithiang hna cu na òhatnak in
lawmhter hna. Ref 6.41-42: Slm 132.8-10
42 Maw Bawipa Pathian, na chiti
thuhmi cu hlaw hlah!
Na sal David ca i a fekmi
na dawtnak kha philh hlah,”
tiah a ti.