5
1 Cuticun Bawipa inn caah Solomon nih a tuahmi rian vialte cu lim a si. Cun Solomon nih a pa David nih a rak pekchanh ciami thil hna kha a luhpi hna i Bawipa inn chung rokuang chungah khan ngun, sui le umkheng vialte kha a chiah hna. Ref 5.1: 2Sam 8.11; 1Cha 18.11
Biakam Kuang Kha Biakinn Ah A Luhpi
(1Sia 8.1-11)
2 Cun Solomon nih Israel mi upa hna le an phun cio lu hna kha le Israel mi an pale innchungkhar hna hruitu cio hna kha, David khua a simi Zion in Bawipa biakamnak kuang cu hun chuahpi awkah Jerusalem khua ah a pumh hna. Ref 5.2: 2Sam 6.12-15; 1Cha 15.25-28
3 Cun thla sarihnak thla i a simi puai ah khan Israel mi vialte cu siangpahrang hmaiah cun an i pum.
4 Cun Israel mi upa vialte kha an ra i Levi mi nih khan kuang kha an thawhpi.
5 Annih nih kuang le tonnak thlam le thlam chung i a ummi umkheng thianghlim vialte kha an kalpi; tlangbawi hna le Levi mi hna nih khan an kalpi hna.
6 Cun Siangpahrang Solomon le Israel mi bu vialte amah hmai i aa pummi hna cu kuang hmaiah khan an um i annih nih an thawimi tuu le cawtum cu an tam tuk caah rel cawk le chim cawk an si lo.
7 Cuticun tlangbawi hna nih khan Bawipa biakamnak kuang cu a umnak ding hmun, inn chung chungchin hmunthiang, a thiang bik hmun, cherubim hna thla toiah khan an luhpi.
8 Kuang umnak hmun cungah khan cherubim hna nih khan an thla an zam caah cherubim hna nih cun kuang le a laang hna kha an thla cu an zarh hna.
9 Lang cu an sau caah chungchin hmunthiang hmai i a ummi hmunthiang khan an par le an par cu hmuh khawh an si; sihmanhsehlaw lenglei cun hmuh khawh an si lo; cuka ah cun nihin tiang hin an um ko.
10 Israel mi nih Izipt ram in an chuah tikah, Bawipa nih annih he biakamnak a tuahnak Horeb tlang i Moses nih biakamnak kuang chungah a khumhmi lungtlap pahnih hna dah ti lo kha cu, biakamnak kuang chungah cun a dang zeihmanh a um lo. Ref 5.10: Deu 10.5
Bawipa Sunparnak
11 Cun tlangbawi hna cu hmun thiang chung khan an hung chuah tikah (cuka i a ummi tlangbawi vialte hna cu an i thianh dih ko cang, an i òhenning kha cu ruah loin;
12 cun Levi mi hlasa pawl vialte, Asaf, Heman le Jeduthun, an fapa hna le an rualchan hna kha puan hmang òhia in an i thuam i sumsel le tingtang le thonglawi he biakòheng in nichuahlei ah khan muko tumtu tlangbawi 120 hna he khan an dir;)
13 muko tumtu hna le hlasatu hna an rian cu Bawipa lawmhnak hla le thangòhatnak hla kha aw khat tein thanter kha a si caah, muko hna le sumsel hna le awdawh tumnak thilri dang hna he cun:
“Zeitintiah amah cu a òha,
A fekmi a dawtnak cu
zungzal in a hmun,”
tiin Bawipa thangòhat in hla cu an hun sak tikah, inn kha, Bawipa inn kha, minmei in a khah Ref 5.13: 1Cha 16.34; 2Cha 7.3; Ezr 3.11; Slm 100.5, 106.1, 107.1, 116.1, 136.1; Jer 33.11
14 caah tlangbawi hna cu rianòuan awkah khan dir awk an si nain minmei ruangah cun an dir kho lo; zeicahtiah Pathian inn cu Bawipa sunparnak kha a khat.Ref 5.13-14: Exo 40.34-35