36
Jehoahaz Pennak le Òumchuknak
(2Sia 23.31-35)
Cu ram profet nih cun Josiah fapa Jehoahaz kha a lak i a pa hmun ah khan Jerusalem ah siangpahrang ah a ser. Jehoahaz cu pen hram a thawk ah kum 23 a si Jerusalem in thla thum a pen. Cun Jerusalem ah cun Izipt siangpahrang nih a phuah i ram cu ngunkhuai ngun talene talent 1 cu 34 kilogrammes he aa tluk. 100 le sui talen pakhat a cawh. Cun a unau Eliakim kha Judah le Jerusalem siangpahrang ah cun Izipt siangpahrang nih khan a ser i a min cu Jehoiakim ah a thlen; sihmanhsehlaw a unau Jehoahaz cu Neko nih khan a lak i Izipt ah a kalpi. Ref 36.4: Jer 22.11-12
Jehoiakim Pennak
(2Sia 23.36§24.7)
Jehoiakim cu pen hram a thawk ah kum 25 a si i Jerusalem in kum hleikhat a pen. Bawipa a Pathian mithmuh i thil òhalo kha a tuah. Ref 36.5: Jer 22.18-19, 26.1-6, 35.1-19 Babilon siangpahrang Nebukhadnezzar nih khan a hung doh i hreng a khenh i Babilon ah a kalpi. Ref 36.6: Jer 25.1-38, 36.1-32, 45.1-5; Dan 1.1-2 Bawipa inn chung i a ummi umkheng a cheu hna zong kha Nebukhadnezzar nih Babilon ah a kalpi hna i Babilon i a siangpahrang inn ah cun a chiah hna. Jehoiakim tuahsernak a tang rihmi hna le fihnung a tuahmi le a ziaza òhalo hna cu zohhmanh, Israel le Judah Siangpahrang hna Cauk chungah an i òial i a fapa Jehoiachin cu amah hmun ah khan a hung bawi.
Jehoiachin Cu Babilon Ah Sal Ah An Kalpi
(2Sia 24.8-11)
Jehoiachin cu pen hram a thawk ah kum riat a si i Jerusalem in thla thum le ni hra a bawi. Bawipa mithmuh i thil òhalo kha a tuah. 10 Cun cu kum òhal ah Siangpahrang Nebukhadnezzar nih mi a thlah hna i amah cu Bawipa inn chung i umkheng mansung hna he cun Babilon ah an ratpi i a unau Zedekiah cu Judah le Jerusalem siangpahrang ah a ser. Ref 36.10: Jer 22.24-30, 24.1-10, 29.1-2, 37.1; Eze 17.12, 13
Zedekiah Pennak
(2Sia 24.18-20; Jer 52.1-3)
11 Zedekiah cu pen hram a thawk ah kum 21 a si i Jerusalem in kum hleikhat a bawi. Ref 36.11: Jer 27.1-22, 28.1-17 12  Bawipa, a Pathian mithmuh i thil òhalo kha a tuah. Bawipa kaa chungin a chuakmi bia a chimtu Jeremiah hmaiah khan a lung a òhum lo. 13 Cun Pathian min chalh in chiat a sertu Siangpahrang Nebukhadnezzar zong kha a doh; Bawipa, Israel Pathian lei i i mer duh loin a hngawng kha a òhawnter i a lung kha a hahter. Ref 36.13: Eze 17.15 14 Tlangbawi hna lak i haotu deuhdeuh hna le mi zapi hna zong kha, cu bantuk cun zumhtlaklo ngaiin an um i miphun hna thil fihnung vialte kha an zulh ve; cun Jerusalem ah a thiantermi Bawipa inn kha a thurhhnawmh.
15  Bawipa, an pupa hna Pathian nih khan a mi hna le a umnak hmun cungah khan zaangfahnak a ngeih caah lamkaltu kha ngol duh lo tein a thlahhnawh lengmang hna; 16 sihmanhsehlaw Bawipa, thinhunnak cu a mi hna cungah a thawh i remh òhan khawhnak a um ti lo tiangin Pathian lamkaltu hna cu an rak zawmhtaih lengmang hna i a bia kha zei ah an rel lo i a profet hna kha an nihsawh hna.
Judah Saltannak
(2Sia 25.1-21; Jer 39.8-10; 52.12-30)
17 Cucaah an tlangval hna cu an hmunthiang inn chungah khan vainam in a that i, tlangval cungah siseh, ngaknu cungah siseh, upa le tar cungah siseh, zaangfahnak a ngei lomi, Khaldi f 36.17 Khaldi hi Babilon he aa khat. mi siangpahrang kha an cungah a ratpi; a kut chungah cun an dihlak in a chanh hna. Ref 36.17: Jer 21.1-10; 34.1-5 18 Cun Pathian inn chung i a ummi umkheng vialte, a hme a ngan in, cun Bawipa inn rothil hna le siangpahrang le a bawi pawl rothil vialte hna cu an dihlak in Babilon ah an kalpi hna. 19 Cun Pathian inn cu an khangh i Jerusalem khua kulhnak vampang cu an chimh hna i a chung i siangpahrang inn vialte cu mei in an khangh hna i a umkheng mansung vialte cu an hrawh dih hna. 20 Cun vainam thahnak in a luatmi hna kha Babilon ah sal ah a kalpi hna i Persia pennak a feh hlantiang annih cu amah le a fapa hna sal ah an cang; 21 mah hihi Jeremiah kaa in Bawipa bia a chuakmi, ram nih a Sabbath hna cu aa lawmhpi dih hlantiang, timi tlinternak caah khan a si. Kum 70 tlinternak caah khan rawkral in a um chung vialte Sabbath kha a ul ko. Ref 36.21: Jer 25.11, 29.10
Sairas Nih Thawng A Thanh
(Ezr 1.1-4)
22 Jeremiah kaa in a langmi Bawipa bia cu a tlin nakhnga, Persia siangpahrang Sairas a bawi kum khatnak ah, Bawipa nih Sairas thlarau cu a hninhsaih i cucaah a pennak ram chung vialte ah thawng thanhnak a tuah i, 23 “Hi bangin Persia siangpahrang Sairas nih, Bawipa, vancung Pathian nih vawleicung ram vialte cu a ka pek cang i mah caah Judah ram Jerusalem i inn pakhat sak awk kha a ka fial. Cucaah Pathian mi a simi nannih cu nan dihlak in cuka ah cun va kal u law Bawipa nan Pathian cu nan sinah um ko seh,” a ti. Ref 36.23: Isa 44.28