34
Josiah Pennak
(2Sia 22.1-2)
Josiah cu pen hram a thawk ah kum riat a si i Jerusalem in kum 31 a pen. Ref 34.1: Jer 3.6 Bawipa mithmuh i a dikmi kha a tuah i a pa David lam kha a zulh hna; cun orhlei ah siseh, kehlei ah siseh aa mer lo.
Josiah Nih Remhnak A Tuah
(2Sia 23.4-20)
Zeitintiah a bawi kum riatnak kum, tlangval note a si lioah khan, a pa David i Pathian kha kawl hram a thawk; cun a kum hleihnih kum ah Judah le Jerusalem chung i khuahrum bo hna le Asherim hna le suaimi milem hna le thletmi milem hna kha thianh hram a thawk hna. Cun a mithmuh ah Baal biakòheng hna kha a chimh hna; cun an cung i a dirmi zihmui biakòheng hna kha a hau hna i Asherim le suaimi le thletmi milem hna kha a den cikcek hna i leidip ah a ser hna i an cung i rai a rak thawimi hna an thlan cungah khan a vorh hna. Ref 34.4: 2Sia 21.3; 2Cha 33.3 Tlangbawi hna ruh zong kha an biakòheng cungah cun a khangh hna i Judah le Jerusalem cu a thianh hna. Ref 34.5: 1Sia 13.2 Cun Manasseh le Efraim le Simeon ram, cun Naftali ram tiangin, hi ram hna khua chung le an pawngkam i a rawkmi khua chungah hin, Israel ram chung dihlak ah, biakòheng hna kha a chimh hna i Asherim le milem hna kha dip tein a rial hna i zihmui biakòheng kha a hau hna. Cun Jerusalem ah a kir.
Phungbia Cauk An Hmuh
(2Sia 22.3-20)
A bawi kum hleiriat kum ah ram le inn kha a thianh dih in, Azaliah fapa Safan le khua uktu Maaseiah le Joahaz fapa Joah, cazin òialtu kha Bawipa a Pathian inn remh awkah khan a thlah hna. Tlangbawi bik Hilkiah sinah khan an ra i innka luhnak cawngtu Levi mi hna nih Manasseh le Efraim le Israel mi a tangmi vialte le Jerusalem khuami hna sinin an kholhmi phaisa Pathian inn chungah an rak putmi kha an pek. 10  Bawipa inn a zohkhenhtu rianòuantu hna sinah khan an pek i Bawipa inn chung i rian a òuanmi hna nih cun inn cu remh òhan le dawhter òhannak caah an hman. 11 Judah siangpahrang hna nih an rawhraltermi inn hna caah khan cawhmi lung hna le a tlang kamhnak ca thing hna le kaan hna cawknak ah zungthiam hna le inn satu hna cu an pek hna. 12 Cun rian cu zumhtlak tein an òuan. An cungah khan Merari fapa hna Levi mi Jahath le Obadiah, cun Kohath mi hna fapa hna chungin Zekhariah le Meshullam cu zohkhenhtu ah an chiah hna. Cun awdawh tumnak thilri i a thiammi Levi mi vialte hna kha, 13 thil phortu hna zohkhenhtu an si i rian phun zakip a òuanmi hna kha hmuhsaktu an si; cun Levi mi a cheukhat cu caòialtu le bawi le kutka cawngtu an si.
14  Bawipa inn chung i an rak putmi tangka kha an chuahpi lioah cun, Moses sinin pekmi Bawipa phungbia cauk cu tlangbawi Hilkiah nih a hmuh. 15 Cun Hilkiah nih cazin òialtu Safan sinah cun, “Phungbia cauk Bawipa inn chungah ka hmuh,” tiah a ti; cun Hilkiah nih cauk cu Safan kha a pek. 16 Safan nih cauk cu siangpahrang sinah a rak put i, “Na sinum hna sinah òuan awk tiin na pekmi vialte cu an òuan lio a si. 17  Bawipa inn chungah a ummi phaisa kha an chuah i rian zohtu hna le rian òuantu hna kha an pek hna,” tiah siangpahrang cu a chimh fawn. 18 Cun cazin òialtu Safan nih cun siangpahrang cu, “Tlangbawi Hilkiah nih cauk kha a ka pek,” tiah a ti. Cun Safan nih siangpahrang hmaiah khan a rel.
19 Siangpahrang nih phungbia chung bia kha a theih tikah, a puan kha a thleh hna. 20 Cun siangpahrang nih Hilkiah le Safan fapa Ahikam le Mikah fapa Abdon le cazin òialtu Safan le siangpahrang sinum Asaiah kha nawl a pek hna i, 21 “Va kal u law, keimah ca le Israel le Judah i a tang rihmi caah Bawipa kha, hi cauk an hmuhmi chung bia kong hi va hal tuah u; kannih kan pupa hna nih hi cauk chung i aa òialmi dihlak ningin tuah awkah Bawipa bia kha an zulh lo caah kannih kan cung i a thletmi Bawipa thinhunnak cu a ngan ko,” tiah a ti.
22 Cucaah Hilkiah le siangpahrang nih a thlahmi hna kha profetnu Huldah sinah an ra i amah cu, cuticun an chimh; Huldah cu Shallum nupi a si, Shallum cu Tokhath fapa a si, Tokhath cu hnipuan chiahnak zohkhenhtu Hasrah fapa a si (Huldah cu Jerusalem ah Sang Pahnihnak ah khan a um). 23 Cun anih nih annih cu a thawh hna i, “Hi bangin Bawipa, Israel Pathian nih, ‘Nannih cu ka sinah an thlahtu hna mipa cu, 24 Hi bangin Bawipa nih a ti, tiah va chim u, Zohhmanh, hi hmun le a chung i a ummi hna cungah hin òhat lonak, Judah siangpahrang hmai i kan relmi cauk chung i chiatserhnak vialte kha ka tlunter lai. 25 Annih nih an kut in an òuanmi rian vialte in ka thin an ka phawh i keimah kha an ka hlawt i pathian dang hna sinah zihmui an khangh caah, cucaah hi hmun cungah hin ka thinhunnak ka bungh lai i hmih khawh a si lai lo. 26 Sihmanhsehlaw Bawipa hal awkah an thlahtu hna Judah siangpahrang sinah cun hi bangin nan va chim lai, Hi bangin Bawipa Israel Pathian nih a ti: Bia na theihmi hna kong ah cun, 27 hi hmun le hi hmun i a ummi hna cung i a bia cu na theih tikah na lung in naa ngaihchih i Bawipa hmaiah na lung na òhumh i ka hmaiah na puan na thleh i na òah caah, kei zong nih na bia kan theihpiak, tiah Bawipa nih a ti. 28 Zohhmanh na pupa hna sinah kan pumh lai i daihnak in thlan khor na phan lai, cun hi hmun le a chung i a ummi hna cung i òhat lonak ka tlunter dingmi hi na mit nih a hmu lai lo, tiah va chim u,’ a ti,” tiah a ti. Cun annih nih bia cu siangpahrang sinah an ratpi òhan.
29 Cun siangpahrang nih mi a thlah hna i Judah le Jerusalem upa vialte kha a pumh hna. 30 Cun siangpahrang cu Judah ram mi vialte le Jerusalem khuami le tlangbawi hna le Levi mi hna le, mi vialte a ngan he a hme he, Bawipa inn ah cun an hung kal; cun Bawipa inn ah an hmuhmi biakamnak cauk chung bia vialte cu an theihhngan ah a relpiak hna. 31 Cun siangpahrang cu amah hmun ah khan a dir i, Bawipa kha zulh awk le a nawlbia hna le a hngalhternak bia hna le a nawl hna cu a lungthin dihlak le a nunnak dihlak in tuah awk le hi cauk chung i aa òialmi biakamnak bia hna cu tuah awkah Bawipa hmaiah cun biakamnak a ser. 32 Cun Jerusalem khua le Benjamin ram i a ummi vialte hna kha mah cucu nan i tlaih lai tiah a ti hna. Cun Jerusalem khuami vialte nih Pathian, an pupa hna Pathian biakamnak bangin an tuah. 33 Josiah nih cun Israel mi hna ta a simi ram chung khan fihnung vialte kha a hlonh dih i Israel ram i a ummi vialte kha Bawipa, an Pathian rian cu a òuanter hna. Amah chan chung cu annih nih Bawipa an pupa hna Pathian zulhnak khan an pial lo.