33
Manasseh Pennak
(2Sia 21.1-18)
Manasseh cu pen hram a thawk ah kum 12 a si i Jerusalem in kum 55 a pen. Bawipa nih Israel mi hna hmai in a dawimi hna miphun hna phunglam fihnungmi ning khan Bawipa mithmuh ah òhat lonak a tuah. Ref 33.2: Jer 15.4 Zeicahtiah a pa Hezekiah nih a rak hrawhmi khuahrum bo kha a ser òhan hna i Baal caah khan biakòheng a ser hna i Asherah hna kha a ser hna i van i a ummi thil vialte kha a biak hna i an rian a òuan hna. Bawipa nih, “Jerusalem khua ah hin ka min cu zungzal in a um lai,” tiah a rak timi, Bawipa inn chungah khan biakòheng a ser hna. Ref 33.4: 2Cha 6.6 Cun Bawipa inn tual pahnih chungah khan vancung thil vialte caah khin biakòheng a ser hna. Cun Hinnom fapa nelrawn ah khan a fapa hna cu raithawinak ah a khangh hna i khuavang kawh le litin le eih kha a lenh i thitlawnthiam le khuavang kha aa ruaih tawn hna. Bawipa mithmuh i thil òhalo tampi kha a tuah i a thin kha a phawh. Cun amah nih a sermi siasal milem cu Pathian inn chungah khan a chiah. Cun inn kongah cun Pathian nih David le a fapa Solomon sinah khan, “Israel phun dihlak chungin ka thimmi Jerusalem le hi inn chungah hin zungzal in ka min cu ka chiah lai; Ref 33.7-8: 1Sia 9.3-5; 2Cha 7.12-18 cun Israel mi nih Moses in nawl ka pekmi vialte hna le phungbia vialte hna le nawlbia hna le phunglam hna kha tuah awkah an i ralrin ahcun an pupa hna caah ka chiah cangmi ram chungah hin an ke kha ka òhial ti hna lai lo,” tiah a rak ti. Manasseh nih Judah le Jerusalem mi cu a lem khawh hna caah Israel mi hmai i Bawipa nih a hrawhmi miphun hna nakkhan òhat lonak tam deuh an tuah.
10  Bawipa nih Manasseh le a mi hna sinah khan bia a chim ko nain zeihmanh ah an rel lo. 11 Cucaah Bawipa nih an cungah Assiria siangpahrang ralkapbu ralbawi kha a ratpi hna i annih nih Manasseh cu sio in an sio i dar hreng an khenh i Babilon ah an kalpi. 12 Cun harnak a phak tikah Bawipa a Pathian zaangfahnak kha a nawl i a pupa hna Pathian hmaiah khan fak piin a lung aa òhum. 13 Amah sinah khan thla a cam i Pathian nih a nawlnak kha a cohlan i a thlacamnak kha a theih i amah ram Jerusalem ah khan a kirpi òhan. Khi tikah Manasseh nih Bawipa cu Pathian a si kha a hngalh.
14 Cun a hnuah David khua lengah khan Gihon nitlaklei nelrawn ah, Nga Kutka luhnak tiangin vampang a ser i Ofel kha a kulhter i sangpi ah a cawi; cun Judah ram chung khua hna ah khan ralkapbu haotu a chiah fawn hna. 15 Cun ramdang pathian hna le siasal kha Bawipa inn khan a òhial hna i Bawipa inn umnak tlang le Jerusalem i a sermi biakòheng vialte kha khua lengah a hlonh dih hna. 16  Bawipa biakòheng zong kha a chiah òhan i a cungah cun daihnak thawinak hna le lawmhnak thawinak hna kha a pekchanh hna i Bawipa, Israel Pathian cu a rian nan òuan lai, tiah Judah mi kha nawl a pek hna. 17 Mi nih cun khuahrum bo hna ah khan rai cu an thawi ko rih, asinain, Bawipa an Pathian sin lawnglawng ah khan a si cang.
18 Manasseh tuahsernak a tang rihmi hna le a Pathian sin i thla a camnak le Bawipa, Israel Pathian min in a sinah bia a chimtu hmutu hna bia cu, zohhmanh, Israel Siangpahrang hna Chanrelnak chungah an um. 19 A thlacamnak Pathian nih a nawlnak a cohlanpiakning le a lung a òhumh hlan i a sualnak vialte le zumhtlaklo a sinak le khuahrum bo a ser i Asherim le milem hna a chiahnak hmun hna kha, zohhmanh, Hmutu hna Chanrelnak chungah an i òial. 20 Cuticun Manasseh cu a pupa hna sinah a it i amah a inn ah khan an vui; cun a fapa Amon cu amah hmun ah khan a hung bawi.
Amon Pennak
(2Sia 21.19-26)
21 Amon cu pen hram a thawk ah kum 22 a si i Jerusalem in kum hnih a pen. 22 A pa Manasseh nih a rak tuah bantuk khan Bawipa mithmuh i thil òhalo kha a tuah. A pa Manasseh nih a rak sermi milem dihlak sinah khan raithawinak a tuah i an rian a òuan hna. 23 A pa Manasseh nih a lung a òhumh bangkhan Bawipa hmaiah a lung a òhum lo i hi Amon nih hin cun mawhnak kha tam chin lengmang a tuah. 24 Cun a sinum hna nih an rawi i amah inn chungah an thah. 25 Sihmanhsehlaw ramchung mi nih khan Amon a rawitu vialte kha an thah hna i ramchung mi nih khan a fapa Josiah cu amah hmun ah khan siangpahrang ah an ser.