1 Cun hi vialte hi a dih tikah, cuka i a ummi Israel mi vialte kha Judah ram khua ah khan an kal i an dihlak in an hrawh dih hna hlantiang, Judah le Benjamin le Efraim le Manasseh ram chung dihlak i a ummi tungzarh hna kha an den cikcek hna i Asherim kha an hau hna i khuahrum bo le biakòheng kha an chimh hna. Cun Israel mi vialte cu an khua le an ram cio ah an tlung.

2 Cun Hezekiah nih tlangbawi hna le Levi mi hna kha a phuphu in a òhen hna, a phuphu in an rianòuanning cio khan Levi mi hna le tlangbawi hna cu khangh thawinak ca le daihnak thawinak ca le Bawipa riahhmun kutka i rianòuantu ding hna le lawmhnak le thangòhatnak petu hna tiin a chiah hna. 3 Siangpahrang nih amah ngeihmi chungin a thawhmi cu, Bawipa phungbia chungah aa òial bangin, zingfate le zanleifate tuahmi khanghthawinak, thla thar le Sabbath le caan ngeimi puai hna i pekchanhmi saòil kha an si. Ref 31.3: Nam 28.1§29.39 4 Cun tlangbawi hna le Levi mi hna kha Bawipa phungbia ah an i pek khawh nakhnga, Jerusalem mi hna cu tlangbawi hna le Levi mi hna nih an hmuh awk a simi kha nan pek hna lai tiah nawl a pek hna. Ref 31.4-5: Nam 18.12-13, 21 5 Nawlbia cu ka kip ah an thanh tikah Israel mi nih tampi in rawl thar hmasa hna le mitsur hang le chiti le khuaihliti le lo in a chuakmi vialte kha an thawh i zeizong kip cheuhra cheukhat kha tam piin an rak put. 6 Cun Judah ram chung khua i a ummi Israel mi le Judah mi hna nih khan an caw le an tuu hna chung khan cheuhra cheukhat le Bawipa an Pathian sin i an pekchanhmi thil thiang kha an chuahpi hna i a bubu in an pon hna. 7 Thla thumnak thla ah khan pon hram an thawk hna i thla sarihnak thla ah khan an dih hna. 8 Hezekiah le bawi pawl kha an rat i thil pon kha an hmuh tikah, Bawipa le a mi Israel mi hna cu an thangòhat hna. 9 Cun Hezekiah nih tlangbawi hna le Levi mi hna kha thil pon kong cu a hal hna. 10 Cun Zadok hrin a simi tlangbawi upa bik Azariah nih khan a leh i, “An thawhlawm cu Bawipa inn chungah ratpi an thawk in kannih nih kan rak ei i kan i za i tampi a hleimi kan ngei rih; Bawipa nih a mi cu thluachuahnak a pek hna caah, cucaah tampi a hleimi kan ngei,” tiah a ti.

11 Cun Hezekiah nih annih cu Bawipa inn chung i a dal hna kha timhtuah awkah nawl a pek hna i annih nih an timhtuah hna. 12 Cun annih nih zumhawktlak tein thawhlawm le cheuhra cheukhat le pekchanhmi thil kha an rak put hna. Annih a zohkhenhtu bawi upa bik cu Levi mi Konaniah a si i a unau Shimei cu amah dottu a si; 13 cun siangpahrang le Pathian inn uktu upa bik Azariah nih an thiah hna bantukin Jehiel, Azaziah, Nahath, Asahel, Jerimoth, Jozabad, Eliel, Ismakhiah, Mahath, le Benaiah cu Konaniah le a unau Shimei a bawmtu zohkhenhtu an si. 14 Cun Levi mi Imnah fapa Kore, nichuahlei kutka cawngtu kha Pathian sinah mah lungtho tein pekmi laksawng zohkhenhtu a si i amah nih cun Bawipa ca i kenretmi le a thiang bik pekchanhnak ca i kenretmi thawhlawm cu a òhen awk an si. 15 Tlangbawi hna khua ah khan, an u an nau hna, a tar siseh, a no siseh, an i cheu ning khan, an covo cio kha phawt awkah Eden, Miniamin, Jeshua, Shemaiah, Amariah le Shekaniah nih khan tling tein an bawmh, 16 sihmanhsehlaw an chuahkehnak ningin min thlakmi, pa kum thumd 31.16 ah kum thum timi hi 1Cha 23.3 ah cun kum 30 tiin a um i cucu hmaan deuh dawh a si. in a cunglei, an bawile nih an hrui hna ningin, an bu ning cio khan, an rian òuan awk caah nifate rianòuanning nih a kiah hna bangin Bawipa inn chungah a lutmi vialte kha cu phawt lo an si. 17 Tlangbawi pawl an min an thlak hna ning cu an pale innchungkhar ning cio khan a si i Levi mi, kum kul in a cunglei hna cu an bawi hna ningin, an bu an bu ning cio ah a si. 18 Tlangbawi hna cu an fale dihlak, an nupile hna le an fapa hna le an fanu hna, an dihlak khan minthlak an si, zeicahtiah anmah le anmah thiang tein i chiahnak ah khan zumhtlak tein an um. 19 Cun Aaron fapa hna, tlangbawi hna, an khua ta a si mizapi ram i a ummi hna caah khan, tlangbawi lak i pa paohpaoh le Levi mi paohpaoh minthlakmi hna kha an covo a phawtu dingah, min in thiahmi kha khua chung hna ah khan an um.

20 Cuticun Judah ram chung dihlak ah Hezekiah nih a tuah i Bawipa a Pathian hmai i a òha le a dik le zumhtlak a simi kha a tuah. 21 Cun Pathian inn rian le phungbia le nawlbia he aa tlak in a tuahmi rian vialte ah, Pathian a kawlnak ah, a lungthin dihlak in a òuan i khua awng a tong.