3
Solomon Nih Bawipa Inn A Sak
(1Sia 6.1-38)
1 Cun Solomon nih Jerusalem khua chung Moriah Tlang, a pa David sin i Bawipa a langhnak, David nih a timhtuahmi phuhri, Jebus mi Ornan ta a simi ah khan Bawipa inn cu sak hram a thawk. Ref 3.1: Gen 22.2
2 A bawi kum linak, thla hnihnak thla ah khan sak hram cu a thawk,
3 Pathian inn saknak ca i Solomon nih a tahnak cu mah hihi an si: a sau, tahnak hlun dong in, dong 60 a si, a kauh cu dong 20 a si.
4 Cun inn òuangpi hmailei i innleng cu a inn vang can in dong 20 a si; cun a sanlei cu dong 120 a si. Cun a chunglei in sui thiang in a nalh.
5 Òuangpi cu saipres thing in a kamh i sui thiang in a nalh i a cungah tumkung le cikcin kha a cuanter hna.
6 Inn cu lungvar mansung in a òamh, a bunhnak tete a ser hna. Sui cu Parvaim sui a si.
7 Cuticun inn cu sui in a hut § a kaan le a innleng le a vampang hna le a innka khar hna kha; cun vampang hna ah khan cherubim a suai hna.
8 Cun a thiang bik hmun kha a ser; a saulei cu inn vang he aa khat in dong 20 a si i a kauhlei cu dong 20 a si; sui thiang talen 600 in a hut. Ref 3.8: Exo 26.33-34
9 Thirkhenh ca hmanmi cu sui shekel 50 a si. Cun cungdot hna cu sui in a hut hna.
10 Hmun thiang bik ah khan thing in cherubim pahnih a ser hna i sui in a hut hna. Ref 3.10-13: Exo 25.18-20
11 Cherubim hna thla hna nih cun dong 20 a zarh; pakhat thla pakhat, dong 5 a simi nih khan, inn vampang kha a tongh i a thla dang, dong nga a simi nih khan, cherub dang pakhat thla kha a tongh;
12 cun hi cherub thla pakhat, dong 5 a si vemi nih hin, inn vampang kha a tawngh i a khattelei thla, dong 5 òhiamòhiam a simi kha, cherub pakhatnak thla ah khan aa peh.
13 Hi cherubim hna thla hna nih hin dong 20 an zarh; cherubim cu an ke in an dir i òuangpi lei kha an hoih.
14 Cun puanzar a dum, sendung, le sen-eu hna kha la hmangòhia in a ser hna i an cungah cherubim kha a cuanter hna. Ref 3.14: Exo 26.31
Dar Tungpi Pahnih
(1Sia 7.15-22)
15 Inn hmaiah cun tungpi pahnih, dong 35 veve a sangmi a ser hna i an par ah cun luchin dong 5 veve a sangmi a chinh hna.
16 Òhi bantuk cikcin a ser hna i tungpi par ah cun a ngerh hna; cun taleti 100 a ser hna i cikcin ah cun a thlaih hna.
17 Tungpi hna cu biakinn hmaiah, pakhat orhlei ah, pakhat kehlei ah a phun hna i orhlei i cu Jakhin tiah a ti i kehlei i cu Boaz tiah a ti.