26
Uzziah Pennak
(2Sia 14.21-22; 15.1-7)
1 Cun Judah ram mi vialte nih khan kum 16 a timi Uzziah kha an lak i a pa Amaziah hmun ah khan siangpahrang ah an ser.
2 Siangpahrang cu a pupa hna sinah a ih hnuah Eloth kha a sak i Judah ta ah a siter òhan.
3 Uzziah cu pen hram a thawk ah kum 16 a si i Jerusalem in kum 52 a pen. A nu min cu Jekoliah a si, Jerusalem mi a si.
4 Cun a pa Amaziah nih a rak tuahmi vialte bantuk khan, Bawipa mithmuh ah a dikmi kha a tuah.
5 Bawipa òihnak kha a cawnpiaktu Zekhariah chan ah khan, Pathian kawl kha aa sehchih i Bawipa a kawl chung vialte cu Pathian nih khua awng a pemhter.
6 A chuak i Filistin mi kha a doh hna i Gath kulhnak vampang le Jabneh kulhnak vampang le Ashdod kulhnak vampang kha a chimh dih hna; cun Ashdod ram chung le Filistin mi hna lak hmun dang ah khan khua a ser hna.
7 Pathian nih, Filistin mi hna le Gurbaal i a ummi Arab mi hna le Meunim mi hna lakah khan amah cu a bawmh.
8 Ammon mi hna nih Uzziah cu ngunkhuai an pek i amah cu a òhawn ngaingai caah Izipt ramri tiang hmanh in a min a thang.
9 Cuhleiah Jerusalem ah cun Kil Kutka le Nelrawn Kutka le kulhnak vampang a kawinak ah khan innsang a sak hna i a kulh hna.
10 Cun chimram le nelrawn ah khan saòil run tampi a ngeih caah ramlak ah khan innsang a sak hna i tikhor tampi a cawh hna, cun lothlawh a duh ngaingaimi a si caah tlangram le vawlei òhatnak hmun ah khan lothlo le mitsur nengtu kha a chiah hna.
11 Cuhleiah, Uzziah nih cun, siangpahrang ralbawi hna lak i pakhat Hananiah kut tang i a ummi ralkapbu, raltuk awk i a tlakmi, caòialtu Jeiel le ralbawi Naaseiah nih an bu chung cio minung zat ningin an òhenmi hna cu a ngei.
12 Miòhawng miralòha hna, an pale innchungkhar hna an lu cio cu an dihlak ah 2-600 an si.
13 Anmah kut tangah cun siangpahrang kha a ral hna tuk awkah a bawm khotu, raltuknak i a òhawng ngaingaimi ralkap 307-500 an um.
14 Cun Uzziah nih ralkap vialte caah cun phaw, fei, luchin, ngaphaw thir angki, li, le chehnak ah lung kha a timh hna.
15 Cun thal le lung ngan pipi a kap khotu seh zungthiam pawl nih an sermi hna kha, Jerusalem ah cun innsang le a kil ah khan a chiah hna. Cun amah cu a òhawn tiang khuaruahhar in bawmh a si caah a min cu khuazakip ah a thang.
16 Sihmanhsehlaw a hung òhawn tikah aa rawknak dingah a hun i porhlaw. Bawipa a Pathian sinah zumhtlak loin a um i zihmui biakòheng i zihmui khangh awkah khan Bawipa biakinn ah cun a lut.
17 Sihmanhsehlaw tlangbawi Azariah nih Bawipa tlangbawi a ral a òhami 80 he a hnu in an zulh;
18 cun Siangpahrang Uzziah cu an donh i, “Uzziah, nangmah nih Bawipa sinah zihmui khangh cu na tuah awk a si lo, sihmanhsehlaw Aaron fapa hna tlangbawi hna zihmui khangtu ding i thiantermi hna lawnglawng nih khan an tuah awk a si. Thil hmaan lo na tuah caah hmunthiang chung hin chuak tuah, cun hi nih hin Bawipa Pathian sinin upatnak zeihmanh an tlunh lai lo,” tiah an ti. Ref 26.18: Exo 30.7-8; Nam 3.10
19 Khi tikah Uzziah cu a thin a hung. Zihmui khanghnak ding cengceh pakhat aa put i tlangbawi hna cungah a thin a hun tikah khan, Bawipa inn chung, zihmui biakòheng pawng, tlangbawi hna hmaika ah khan a cal ah thinghmui hma a chuak ko.
20 Cun tlangbawi upa bik Azariah le tlangbawi vialte nih khan amah cu an zoh i zohhmanh, amah cu a cal ah thinghmui zawtnak a ngei! Cun annih nih khulrang in an nam i amah zong kha chuah aa nam ve, zeicahtiah Bawipa nih a tuk cang.
21 Cun Siangpahrang Uzziah cu a thih ni tiang thinghmui a si lan, cun thinghmui a si caah khan Bawipa inn khan thlei a si i cucaah inn dang ah a um. Cun a fapa Jotham nih cun siangpahrang innchungkhar cu a zohkhenh i ram mi kha a uk hna.
22 Uzziah tuahsernak a tang rihmi hna cu a hramthawk in a donghnak tiang profet Isaiah, Amoz fapa nih a òial.
23 Cun Uzziah cu a pupa hna sinah a it i, “Amah cu mithinghmui a si caah siangpahrang hna thlan ah vui loin siangpahrang hna thlanmual ah khan a pupa hna sinah an vui. Cun a fapa Jotham cu amah hmun ah khan a hung bawi. Ref 26.23: Isa 6.1