22
Ahaziah Pennak
(2Sia 8.25-29)
1 Cun Jerusalem khuami hna nih cun a fapa hniang bik Ahaziah kha amah hmun ah cun siangpahrang ah an ser; zeitintiah Arab mi
hna he riahhmun i a rami hna nih khan a fapa upa deuh vialte kha
cu an thah dih hna. Cucaah Judah siangpahrang Jehoram fapa
Ahaziah cu bawi ah a cang.
2 Ahaziah cu pen hram a thawk ah kum 42b Kum 42 timi hi 2Sia 8.26 ah cun kum 22 tiin a um.
a si i Jerusalem in kum khat a pen. A nu min cu Athaliah a si,
amah cu Omri tunu a si.
3 Amah zong cu Ahab innchungkhar lam kha a zul ve, zeicahtiah òhat lonak tuah i amah fim a chimtu cu a nu kha a si.
4 Ahab innchungkhar nih an rak tuah bang khan, amah zong nih Bawipa mithmuh i òhat lonak kha a tuah; a pa thih hnuah, anmah cu
òhat lonak tuahnak leiah khan fim a chimtu an si.
5 An fimchimhning bang khan a zulh i Ahab fapa Joram, Israel siangpahrang sinah khan Siria siangpahrang Hazael cu tuk awkah
Ramoth-gilead ah a kal. Cun Siria mi hna nih cun Joram cu an
hliam i
6 Siria siangpahrang Hazael he an i tuk tikah Ramah i hma an banhmi kha i conghhramh awkah Jezreel khua ah a kir òhan. Cun
Ahab fapa Joram cu a zawt caah khan amah cu Jezreel khua i vung
zoh awkah Jehoram fapa Ahaziah Judah siangpahrang cu a vung kal.
7 Sihmanhsehlaw Pathian nih a rak ruahning ah hin Ahaziah òumchuknak cu Joram a vung tlawnnak hin tlung dingin a rak si.
Zeitintiah khika a phak tikah Joram he khan an chuak i
Bawipa nih Ahab innchungkhar hrawktu dingah chiti a thuhmi Jehu,
Nimshi fapa kha an ton.
8 Cun Jehu nih Ahab innchungkhar cungah biakhiahnak kha a tlunter tikah khan, Judah ram bawi hna le Ahaziah unau hna fapa
hna, Ahaziah a bultawltu kha a ton hna i a thah hna.
9 Ahaziah cu a kawl i Samaria i aa thuh lioah khan an va tlaih, Jehu sinah an ratpi i amah cu an thah. Amah cu an vui,
zeicahtiah annih nih, “Amah cu Jehoshafat,
Bawipa kha a lungthin dihlak in a kawltu tupa a si caah,” tiah an
ti. Cun Ahaziah innchungkhar lakah ram kha a peng khotu ding an
um lo.
Athaliah Nih Siangpahrang Òhutdan A Fir
(2Sia 11.1-20)
10 Ahaziah nu Athaliah nih khan a fapa a thih kha a hngalh tikah, a tho i Judah innchungkhar siangpahrang chungle vialte
kha a thah dih hna.
11 Sihmanhsehlaw siangpahrang fanu Jehoshabeath nih Ahaziah fapa Joash kha aa lak i thah awk a simi siangpahrang fapa dang
hna sin khan a zampi i amah le a cawngtunu cu ihnak dal chungah
a chiah hna. Cuticun Siangpahrang Jehoram fanu Jehoshabeath,
tlangbawi Jehoiada nupi a simi nih cun, amah cu Ahaziah far a si
caah, Athaliah sin khan a thuh i cucaah a that lo;
12 cun an sinah cun kum ruk a um, Pathian inn chungah khan an thuh ko; Athaliah nih khan ram cu a pen.