17
Jehoshafat Pennak Fehter A Si
1 A fapa Jehoshafat kha amah hmun ah cun a hung bawi i Israel mi he i dohnak ding caah khan a thazang aa òhawnter.
2 Judah ram chung i kulhnak ngei khua vialte ah khan ralkap a chiah hna i Judah ram chung le a pa Asa nih Efraim khua a rak lakmi hna chungah khan ralvengtu ralkapbu a chiah hna.
3 A pa nih a hlan deuh i a rak zulhmi lam kha a zulh caah Bawipa cu Jehoshafat sinah a um; amah nih Baal kha a kawl hna lo,
4 sihmanhsehlaw a pa Pathian kha a kawl i Israel mi nih an zulhmi lam si loin a nawlbia kha a zulh.
5 Cucaah Bawipa nih pennak cu a kut chungah a fehter i Judah mi vialte nih Jehoshafat sinah ngunkhuai an thawh i a rum ngaingai i upatnak a hmu.
6 Bawipa lam leiah cun a lung kha a ral a òha i cuhleiah Judah ram chungin khuahrum bo hna le Asherim hna kha a òhial hna.
7 A bawi kum thumnak ah a bawi Benhail, Obadiah, Zekhariah, Nethanel le Mikaiah kha Judah ram chung khua hna ah cawnpiaktu ah a thlah hna;
8 anmah sinah cun Levi mi Shemaiah, Nethaniah, Zebadiah, Asahel, Shemiramoth, Jehonathan, Adonijah, Tobijah le Tobadonijah kha an i tel; cun hi Levi mi hna sinah hin tlangbawi Elishama le Jehoram an i tel.
9 Cun Judah ram chungah khan Bawipa phungbia cauk kha an i put i an cawnpiak hna; Judah ram chung khua vialte kha an òol i mi kha an cawnpiak hna.
10 Cun Judah ram pawngkam i a ummi ram vialte cungah khan Bawipa òihnak kha a tlung i Jehoshafat kha an do lo.
11 Filistin mi a cheukhat nih Jehoshafat cu laksawng an rak pek i ngunkhuai caah ngun an rak pek; cun Arab mi hna zong nih tuukawng 7-700 le mehehtum 7-700 an rak pek.
12 Cun Jehoshafat cu duhsah tein a ngan chin lengmang. Judah ram chungah ralhruang hna le thil khonnak khua hna kha a ser hna i
13 Judah ram khua chungah khan thil tampi a khon hna. Jerusalem ah ralkap a òhawng i a ral a òhami a chiah hna.
14 Mah hihi an pale innchungkhar ning cio ah an i relnak cu a si: Judah chungin, a thong pawl hna haotu ah Adnah a si, amah sin ummi cu miòhawng miralòha 300-000 an si,
15 cun amah a hun dottu ah haotu Jehohanan a si, amah sin ummi cu 280-000,
16 cun amah a hun changtu ah Zikhri fapa Amasiah a si, amah cu Bawipa rian caah mah lungtho tein aa pemi a si, amah sinah cun miòhawng miralòha 200-000 an um.
17 Benjamin chungin miòhawng miralòha Eliada, amah sinah cun likuk le phaw a ngeimi 200-000 an um,
18 cun a hun dottu ah Jehozabad a si i amah sinah cun raltuk awk i aa thuammi 180-000 an um.
19 Hi hna hi siangpahrang rianòuantu cu an si, hi hna hleiah hin Judah ram chung dihlak kulhnak a ngeimi khua paoh i siangpahrang nih a chiahmi hna kha an um rih.