12
Shishak Nih Judah A Tuk
(1Sia 14.21-31)
Rehoboam uknak cu a feh i a òhawn tikah Bawipa phungbia cu a hlawt i amah sin òang Israel mi vialte zong nih khan an hlawt ve. Siangpahrang Rehoboam a bawi kum nganak ah, annih cu Bawipa sinah zumhawktlak an si ti lo caah, Izipt siangpahrang Shishak nih Jerusalem cu, rangleng 1-200 le rangcung ralkap 60-000 he a hunhnawh. Izipt ram in amah he a rami hna cu rel cawklo an si § Libia mi, Sukkiim mi le Ethiopia mi an si. Cun Judah ram chung i kulhnak a ngeimi khua kha a lak hna i Jerusalem tiang a ra. Khi tikah profet Shemaiah kha, Jerusalem i Shishak ruangah aa pummi Rehoboam le Judah bawi hna sinah khan a ra i annih cu, “Hi bangin Bawipa nih, ‘Nan ka kaltak caah kei zong nih Shishak kut chungah kan kaltak ve hna lai,’ a ti,” tiah a ti hna. Cun Israel bawi hna le siangpahrang nih cun an lung an òhumh i, “ Bawipa cu a ding,” tiah an ti. Bawipa nih an lung an òhumh kha a hmuh tikah Bawipa bia cu Shemaiah sinah khan a ra i, “Annih nih an lung an òhumh cang, cucaah ka hrawk hna lai lo, sihmanhsehlaw luatnak tlawmpal ka pek hna lai i Shishak kut in Jerusalem cungah ka thinhunnak cu thlet a si lai lo. Asinain, annih cu a sal an si ko lai, zeicahtiah annih nih ka rianòuan le ramdang hna pennak rianòuan an i dan kha an hngalh nakhnga,” tiah a ti.
Cuticun Izipt siangpahrang Shishak nih Jerusalem cu a hung doh; Bawipa innchung rothil le siangpahrang innchung rothil kha a lak hna; zeizong vialte kha a lak dih hna. Solomon nih a sermi sui phaw vialte zong kha a lak hna i Ref 12.9: 1Sia 10.16-17; 2Cha 9.15-16 10 Siangpahrang Rehoboam nih anmah can ah cun dar phaw a ser hna i siangpahrang inn innka a cawngtu ralkap bawi hna kut chungah khan a chiah hna. 11 Cun siangpahrang nih Bawipa inn chungah a luh fate, ralvengtu kha an ra i an rak put hna i ralvengtu hna khaan ah khan an kalpi òhan tawn hna. 12 Cun a lung a òhumh tikah, hloh hirhiar a si nakhnga lo, Bawipa thinhunnak cu a sin khan aa mer i Judah ram chungah thil umtuning a òha.
13 Cucaah Siangpahrang Rehoboam cu Jerusalem ah cun aa fehter i khika in a pen hna. Rehoboam cu bawi hram aa thawk tikah khan kum 41 a si i Jerusalem ah kum hleisarih a bawi, cu khua cu Israel miphun dihlak chungin khika i a min chiah awkah Bawipa nih aa thimmi a si. A nu min cu Naamah a si, amah cu Ammon mi a si. 14 Cun òhat lonak kha a tuah i Bawipa kawl kha a lung in aa sehchih lo.
15 Rehoboam tuahsernak hna cu a hramthawk in a donghnak tiang, profet Shemaiah le hmutu Iddo chan relnak cauk ah khan an i òial lo mei? Rehoboam le Jeroboam karlak ah khan ral a um thluangthluan ko. 16 Cun Rehoboam cu a pupa hna sinah a it i David khua chungah khan an vui; cun a fapa Abijah kha amah hmun ah cun a hung bawi.