9
Babilon In A Kirmi Hna
(Neh 11.1-24)
1 Cuticun Israel mi vialte cu an chuahkehnak ning cio in minthlak an si i mah cucu Israel Siangpahrang hna Cauk chungah òial an si. Cun Judah cu zumhawktlak a si lo ruangah Babilon ah sal ah kalpi an si.
2 Cun an covo an khua hna chung i a um òhan hmasa bik hna cu Israel mi, tlangbawi hna, Levi mi hna, le biaknak inn i rianòuantu hna kha an si. Ref 9.2-3: Ezr 2.27; Neh 7.73
3 Cun Judah mi tlawmpal, Benjamin mi tlawmpal, Efraim mi tlawmpal le Manasseh mi tlawmpal hna cu Jerusalem ah an um:
4 Ammihud fapa Uthai, Ammihud cu Omri fapa, Omri cu Imri fapa, Imri cu Bani fapa, Bani cu Judah fapa Perez fapa hna chung i a si.
5 Cun Shilon mi hna chungin fater Asaiah le a fapa hna an si.
6 Zerah fapa hna chungin Jeuel le a rualchan an si, 690 an si.
7 Benjamin mi hna chungin Meshullam fapa Sallu, Meshullam cu Hodaviah fapa, Hodaviah cu Hassenuah fapa,
8 Jehoram fapa Ibneiah, Uzzi fapa Elah, Uzzi cu Mikhri fapa, le Shefatiah fapa Meshullam, Shefatiah cu Reuel fapa, Reuel cu Ibnijah fapa;
9 le an chan ning cio in an rualchan hna cu an si, 956 an si. Mah hna hi hi an pale innchungkhar ning cio in an pale innchungkhar hna lu an si.
10 Tlangbawi hna lakin Jedaiah, Jehoiarib Jakhin,
11 le Azariah Hilkiah fapa, Hilkiah cu Meshullam fapa, Meshullam cu Zadok fapa, Zadok cu Meraioth fapa, Meraioth cu Ahitub fapa, Ahitub cu Pathian inn i bawi ngan bik a si;
12 cun Adaiah, amah cu Jeroham fapa, Jeroham cu Pashhur fapa, Pashhur cu Malkhijah fapa, cun Maasai, amah cu Adiel fapa, Adiel cu Jahzerah fapa, Jahzerah cu Meshullam fapa, Meshullam cu Meshillemith fapa, Meshillemith cu Immer fapa,
13 mah hna hi an rualchan an pale chungkhar hna i an lu hna lengah, 1-760 an si, Pathian inn rian ca i miòhawng ngaingai an si.
14 Levi mi lakin: Shemaiah, Hasshub fapa, Hassub cu Azrikam fapa, Azrikam cu Merari fapa hna lak i Hashabiah fapa a si;
15 cun Bakbakkar, Heresh, Galal le Mattaniah, Mattaniah cu Mikah fapa; Mikah cu Zikhri fapa, Zikhri cu Asaf fapa;
16 cun Obadiah, amah cu Shemaiah fapa, Shemaiah cu Galal fapa, Galal cu Jeduthun fapa, le Berekhiah an si, Berekhiah cu Netofah mi hna khuate i a ummi Elkanah fapa Asa i a fapa a si.
17 Kutka cawngtu hna cu: Shallum, Akkub, Talmon, Ahiman, le an rualchan an si; (Shallum cu an bawi bik a si),
18 annih cu hi hlanah cun nichuahlei kam i siangpahrang kutka ah khan chiah an si. Levi mi riahhmun hna kutka cawngtu cu mah hna hi an si.
19 Shallum, amah cu Kore fapa, Kore cu Ebiasaf fapa, Ebiasaf cu Korah fapa, cun a pa innchungkhar a rualchan hna, Korah mi hna nih biaknak rian zohkhenhtu le thlam innkahram zohkhenhtu an si, an pupa hna cu Bawipa riahhmun zohkhenhtu le luhnak zohkhenhtu an rak si bang khan.
20 Cun hlan ah cun annih a rak uktu hna cu Eleazar fapa Phinehas kha a si; amah sinah cun Pathian a um.
21 Meshelemiah fapa Zekhariah cu tonnak thlam luhnak ah kutka cawngtu a si.
22 Hi hna vialte, innkahram i kutka cawngtu ah thimmi hna cu 212 an si. Annih cu an khua cio ah khan an chuahkehnak ningin minthlak an si. David le hmutu Samuel nih khan annih cu zumhawktlak an rian ah khan an fehter hna.
23 Cucaah anmah le an fapa hna nih khan Bawipa inn kutka hna cu an zohkhenh hna, mah cucu thlam inn kha a si, annih cu a cawngtu an si.
24 Kutka cawngtu hna cu a kam leiah khan an um, nichuahlei, nitlaklei, chaklei, thlanglei kamah khan;
25 cun an rualchan hna an khua cio i a ummi hna kha ni sarih dan lengmang ah, hi hna he um awkah an rat lengmang awk a si;
26 zeicahtiah kutka cawngtu upa bik pali, Levi mi a simi hna kha, Pathian inn chung dal hna le chawhlawn hna zohkhenhtu kha an si.
27 Cun annih cu Pathian inn velchum ah khan an riak; zeicahtiah a cawngh le zingfate in innka hun cu anmah rian a si.
28 A cheu khat cu rianòuannak umkheng zohkhenh kha an rian a si, zeicahtiah an rak put hna le an lak tik hna ah an rel hna awk a si.
29 Cheu khat hna cu òhutdan cabuai zohkhenhtu le a thiangmi umkheng vialte zohkhenhtu le, changvut dip zong a zohkhenhtu le, mitsur hang, chiti, zihmui, le rimhmui zohkhenhtu ah khan an thiah hna.
30 A dang pawl, tlangbawi fapa hna nih khan, rimhmui cawh awk kha an timhtuah,
31 cun Levi mi pakhat Mattithiah kha changreu thlum a per tete tuah uktu a si, amah cu Korah mi Shallum fapa upa bik a si.
32 Cun Kohath mi an unau hna a cheu khat zong kha, Sabbath kip i timh awkah hun camcinmi changreu tuah cu an rian a si.
33 Hi hna hi hlasatu cu an si, annih cu Levi mi pale innchungkhar hna lu cio kha an si, annih cu biakinn chung dal ah khan an um, chun zan in rian thiah an si caah rian dang khan cun an luat.
34 Mah hna hi Levi mi pale hna innchungkhar lu, an chan ning cio in an si, hruaitu an si, i Jerusalem ah khan an um.
Saul Chuahkehnak le Tefa Hna
35 Gibeon ah Gibeon pa Jeiel kha a um, a nupi min cu Maakah a si,
36 cun a fater cu Abdon a si, cu dih cun Zur, Kish, Baal, Ner, Nadab.
37 Gedor, Ahio, Zekhariah, le Mikloth an si;
38 cun Mikloth cu Shimeam pa a si; cun hi hna zong hi Jerusalem i a ummi an rualchan hna ralchan ah khan an rualchan hna he khua an sa.
39 Ner cu Kish pa a si, Kish cu Saul pa a si, Saul cu Jonathan, Malkhishua, Abinadab le Eshbaal pa a si:
40 cun Jonathan fapa cu Meribbaal a si, i Meribbaal cu Mikah pa a si.
41 Mikah fapa hna: Pithon, Melek, Tahrea, le Ahaz;
42 cun Ahaz cu Jarah pa a si, Jarah cu Alemeth Azmaveth le Zimri pa a si; Zimri cu Moza pa a si,
43 Moza cu Binea pa a si; cun Refaliah cu a fapa a si, Refaliah fapa cu Eleasah a si, Eleasah fapa cu Azel a si.
44 Azel nih cun fapa paruk a ngeih hna i mah hihi an min cu an si: Azrikam, Bokheru, Ishmael, Sheariah, Obadiah, le Hanan; hi hna hi Azel fapa cu an si.