5
Reuben Tefa Hna
Israel fater Reuben i fapa hna (amah cu a fater a si, sihmanhsehlaw a pa ihkhun kha a thurhnawmhter caah a fater sinak cu Israel fapa Josef fapa hna sinah khan pek a si, cucaah chanrelnak ah khan a fater sinak ning khan khumh a si lo Ref 5.1: Gen 35.22, 49.3-4 Judah cu a unau hna lakah a òhawngmi a hung si i amah chungin bawi a hung chuak nain, fater sinak tu cu Josef ta a si ko), Ref 5.2: Gen 49.8-10 Israel fater Reuben fapa hna: Hanok, Pallu, Hezron, le Karmi. Joel fapa hna: a fapa ah Shemaiah, cu fapa ah Gog, cu fapa ah Shimei, cu fapa ah Mikah, cu fapa ah Reaiah, cu fapa ah Baal, cu fapa ah Beerah, Assiria siangpahrang Tiglath-pileser nih sal ah a kalpimi kha; amah cu Reuben mi lakah an bawi bik a si. Ref 5.6: 2Sia 15.29 Cun a rualchan hna cu an innchungkhar cio ningin, an chan cio chanrelnak kha òial a si tikah hi bangin a si: upa bik Jeiel le Zekhariah, le Azaz fapa Bela an si; Azaz cu Shema fapa, Shema cu Joel fapa a si; annih cu Aroer ah Nebo le Baalmeon tiang khan an rak um. Nichuahlei ah Zufrates tiva hi lei kam thetse ram luhnak tiang khan a um fawn, zeicahtiah Gilead ram ah an saòil kha a karh. 10 Cun Saul chan ah khan Hag mi kha an doh hna i cu hna cu an kut in an va tei hna; cun Gilead in nichuahlei ram dihlak ah khan an thlam chungah cun khua an sa.
Gad Tefa Hna
11 Gad fapa hna cu annih zawn ah khan Bashan ram chungah khan Salekah tiangin an um: 12 Joel cu upa bik a si, a pahnihnak ah Shafam, cun Bashan i a ummi Janai le Shafat. 13 Cun an rualchan hna, anmah le an pale innchungkhar ning cio ah: Mikhael, Meshullam, Sheba, Jorai, Jakan, Zia, le Eber, pasarih an si. 14 Hi hna hi Abihail fapa cu an si. Abihail cu Huri fapa, Huri cu Jaroah fapa, Jaroah cu Gilead fapa, Gilead cu Mikhael fapa, Mikhael cu Jeshishai fapa, Jeshishai cu Jahdo fapa, Jahdo cu Buz fapa; 15 Guni fapa Abdiel i fapa Ahi cu an pale innchungkhar hna lakah bawi bik a si; 16 annih cu Gilead le Bashan le a pawngkam khua vialte le Sharon ram chung i saòil tlonnak hmun dihlak ah khan an ramri tiangin an um. 17 Hi hna vialte hi Judah siangpahrang Jotham le Israel siangpahrang Jeroboam chan ah khan an chuahkehnak ning in cazin khumh an si.
Phun Hnih le A Cheu Hna An Tuanbia
18 Reuben mi hna le Gad mi hna le Manasseh phun cheu hna nih khan phaw le nam aa putmi, li kuaih a thiam i ral tuknak ah a thiam ngaingaimi, aa tim ciami minung 44-760 an ngeih hna. 19 Annih nih Hag mi, Jetur mi, Nafish mi le Nodab mi kha an tuk hna; 20 cun annih nih bawmhnak kha an hmuh tikah Hag mi hna le an sir i a ummi vialte hna kha an kut chungah cun pek an si, zeicahtiah raldohnak hmun chungah cun Pathian kha an auh i amah kha an i bochan caah an nawlnak kha a pek hna. 21 Annih nih an òilva kha an i kalpi hna: an kalauk 50-000, tuu 250-000, laa 2-000, le a nung in mi 100-000. 22 Raldohnak cu Pathian ta a si caah tampi an thah hna. Cun saltan caan tiang an umnak ah cun khua an sa.
23 Manasseh phun cheu chung mi hna kha ram chungah cun an um; Bashan in Baal-hermon, Senir, le Hermon Tlang tiang, an tam ngaingai. 24 Hi hna hi an pale innchungkhar cio an lu hna cu an si: Efer, Ishi, Eliel, Azriel, Jeremiah, Hodaviah le Jahdiel, a òhawngmi ralkap, min thang, an pale innchungkhar hna lu cio an si. 25 Sihmanhsehlaw an pupa hna Pathian cungah khan an sual i an hmaiah Pathian nih a hrawhmi hna ram chung i a ummi pathian hna sinah khan hlawh an hlang. 26 Cucaah Israel Pathian nih khan Assiria siangpahrang Pul thinlung le Assiria siangpahrang Tiglath-pileser thinlung kha a thawhter i amah nih cun Reuben mi hna le Gad mi hna le Manasseh phun cheu hna cu a kalpi hna i Halah, Habor, Hara, le Gozan tiva ah a phakpi hna, i nihin ni tiang hin an um ko. Ref 5.26: 2Sia 15.19-29, 17.6