27
Ram Uktu Bawi Hna
1 Mah hihi Israel mi, an pale innchungkhar hna lu a si ciomi, a thongthong pawl a uktu hna le a zaza pawl a uktu hna le an bawi pawl hna, a chuak a lut lengmangmi bu pipi hna he aa pehtlaimi rian i thla khat hnu thla khat in kum chuak tiang siangpahrang cu a rian a òuanpiaktu hna cazin cu a si, bu khat cu 24-000 an si:
2 Zabdiel fapa Jashobeam cu thla khatnak thla ah pakhatnak bu kha a hruitu a si; a bu chungah cun 24-000 an um.
3 Amah cu Perez tefa a si i thla khatnak thla ah cun amah cu ralkapbu haotu vialte hna bawi bik a si.
4 Thla hnihnak thla bu cu Aho mi Dodai nih a hrui hna; a bu chungah cun 24-000 an um.
5 Ralbawi pathumnak, thla thumnak thla ca i cu Benaiah a si, amah cu tlangbawi Jehoiada fapa a si i haotu bik a si; a bu chungah cun 24-000 an um.
6 Hi Benaiah hi Sawm Thum hna lak i miòhawng kha a si i amah nih Sawm Thum hna kha a hrui hna; amah bu a haotu hna cu a fapa Ammizabad kha a si.
7 Thla linak ca i a palinak cu Joab unau Asahel kha a si i a fapa Zebadiah nih khan a hun zulh; a bu chungah cun 24-000 an um.
8 Ralbawi panganak, thla nganak ca i cu Izrah mi Shamhuth a si; a bu chungah cun 24-000 an um.
9 Paruknak, thla ruknak ca i cu Ira a si, amah cu Tekoa mi Ikkesh fapa a si; a bu chungah cun 24-000 an um.
10 Pasarihnak, thla sarihnak ca i cu Efraim tefa Pelon mi Helez a si; a bu chungah cun 24-000 an um.
11 Pariatnak, thla riatnak ca i cu Zerah tefa Hushath mi Sibbekai a si; a bu chungah cun 24-000 an um.
12 Pakuanak, thla kuanak ca i cu Benjamin tefa Anathoth mi Abiezer a si; a bu chungah cun 24-000 an um.
13 Pahranak, thla hranak ca i cu Zerah tefa Netofah mi Maharai a si; a bu chungah cun 24-000 an um.
14 Hleikhatnak, thla hleikhatnak ca i cu Benjamin fapa hna tefa Pirathon mi Benaiah a si; a bu chungah cun 24-000 an um.
15 Hleihnihnak, thla hleihnihnak ca i cu Othniel tefa Netofah mi Heldai a si; a bu chungah cun 24-000 an um.
16 Israel miphun hna chungah cun, Reuben mi hna caah Zikhri fapa Eliezer cu bawi upa bik a si; Simeon mi hna caah Maakah fapa Shefatiah a si;
17 Levi caah Kemuel fapa Hashabiah a si; Aaron caah Zadok a si;
18 Judah caah Elihu a si, amah cu David unau pakhat a si; Issakhar caah Mikhael fapa Omri a si;
19 Zebulun caah Obadiah fapa Ishmaiah a si; Naftali caah Azriel fapa Jeremoth a si;
20 Efraim mi hna caah Azaziah fapa Hoshea a si; Manasseh phun cheu caah Pedaiah fapa Joel a si;
21 Gilead i a ummi Manasseh phun cheu caah Zekhariah fapa Iddo a si; Benjamin caah Abner fapa Jaasiel a si;
22 Dan caah Jehoram fapa Azarel a si. Mah hna hi Israel mi phun a hruitu hna cu an si.
23 David nih kum kul toi kha cu a rel hna lo, zeicahtiah Bawipa nih Israel cu van i arfi zat ah khin ka ser lai tiah bia a kam cang. Ref 27.23: Gen 15.5, 22.17, 26.4
24 Zeruiah fapa Joab nih khan rel hram a thawk, sihmanhsehlaw a dih lo; asinain hi ruangah hin Israel cungah thinhunnak a tlung i cu relnak cu Siangpahrang David chanrelnak chungah khumh a si lo. Ref 27.24: 2Sam 24.1-15; 1Cha 21.1-14
25 Siangpahrang chawhlawn kuang hna a zohkhenhtu cu Adiel fapa Azmaveth a si; cun ram chung i a ummi le khua chung i a ummi le khuate chung le innsang chung i a ummi chawhlawn kuang hna a zohkhenhtu cu Uzziah fapa Jonathan a si;
26 Vawlei kha leh awkah lo chung i rian a òuantu hna a zohkhenhtu cu Khelub fapa Ezri a si;
27 mitsur dum a zohkhenhtu cu Ramath mi Shimei a si; cun mitsur dum chungin a chuakmi mitsur hang khonnak zohkhenhtu cu Shifmot mi Zabdi a si.
28 Shefelah i a ummi oliv thing le saikamor thing zohkhenhtu cu Geder mi Baal-hanan a si; cun chiti khonmi a zohkhenhtu cu Joash a si.
29 Sharon i a tlongmi saòil run a zohkhenhtu hna cu Sharon mi Shitrai a si; nelrawn i a tlongmi saòil run zohkhenhtu hna cu Adlai fapa Shafat a si.
30 Kalauk a zohkhenhtu hna cu Ishmael mi Obil a si; laa a nu a zohkhenhtu hna cu Meronoth mi Jehdeiah a si. Tuurun a zohkhenhtu hna cu Hag mi Jaziz a si.
31 Hi vialte hna hi Siangpahrang David chaw kengtu an si.
32 David pacheu Jonathan cu fimchimtu a si, amah cu mifim le cazi a si; amah le Hakhmoni fapa Jehiel nih siangpahrang fapa kha an zohkhenh hna.
33 Ahithophel cu siangpahrang fimchimtu a si i Arki mi Hushai cu siangpahrang hawikom a si.
34 Ahithophel cu Jehoiada, Benaiah fapa le Abiathar nih an hun chaan. Joab cu siangpahrang ralkapbu haotu a si.