23
1 Cun David cu a upa i a tar ngaingai tikah a fapa Solomon cu Israel mi siangpahrang ah a ser. Ref 23.1: 1Sia 1.1-40
Levi Mi Le Tlangbawi Hna Rian Phawtnak
2 David nih Israel mi haotu vialte tlangbawi hna le Levi mi hna kha a pumh hna.
3 Levi mi cu, kum 30 a timi le a cunglei kha an rel hna i an dihlak ah 38-000 an si.
4 David nih, “Hi hna chung hin 24-000 nih Bawipa innchung rianòuan kha an òuanvo a si lai i 6-000 cu biaceihtu le bawi an si lai,
5 4-000 cu kutka cawngtu an si lai i thangòhatnak caah ka sermi hlasaknak thilri in 4-000 nih Bawipa kha thangòhatnak an pek lai,” tiah a ti.
6 Cun annih cu David nih Levi fapa Gershom, Kohath le Merari hna ning khan an bu an bu cio in a òhen hna.
7 Gershom fapa hna cu Ladan le Shimei an si.
8 Ladan fapa hna: haotu bik Jehiel, le Zetham le Joel, pathum an si.
9 Shimei fapa hna: Shelomoth, Haziel, le Haran, pathum an si. Mah hna hi Ladan innchungkhar hna lu cio kha an si.
10 Shimei fapa hna: Jahath, Zina le Jeush le Beriah. Hi pali hna hi Shimei fapa an si.
11 Haotu bik cu Jahath a si i a hun changtu cu Ziza a si; sihmanhsehlaw Jeush le Beriah cu fapa tampi an ngei lo, cucaah voi khat relnak ah pa pakhat i innchungkhar ah an cang.
12 Kohath fapa hna: Amram, Izhar, Hebron, le Uzziel, pali an si.
13 Amram fapa hna: Aaron le Moses. Aaron cu amah le a fapa hna nih zungzal in Bawipa hmaiah zihmui kha an khangh i amah rian kha an òuan i amah min in zungzal in thluachuah peknak an chim nakhnga, Aaron cu a thiang bikmi thil hna kha pekchanh awkah thleidan a si. Ref 23.13: Exo 28.1
14 Sihmanhsehlaw Pathian mi Moses i a fapa hna kha cu Levi miphun chungah khan rel an si.
15 Moses fapa hna: Gershom le Eliezer.
16 Gershom fapa hna: haotu bik Shebuel.
17 Eliezer fapa hna: haotu bik Rehabiah; Eliezer nih fapa dang a ngei hna lo, sihmanhsehlaw Rehabiah fapa cu an tam ngaingai.
18 Izhar fapa hna: haotu bik Shelomith, pahnihnak ah Amariah,
19 pathumnak ah Jahaziel, palinak ah Jekameam.
20 Uzziel fapa hna: haotu bik Mikah le a pahnihnak Isshiah.
21 Merari fapa hna: Mahli le Mushi. Mahli fapa hna: Eleazar le Kish.
22 Eleazar cu fapa hring loin a thi, fanu lawnglawng a ngeih hna; an rualchan Kish fapa hna nih khan an òhit hna.
23 Mushi fapa hna: Mahli, Eder le Jeremoth, pathum an si.
24 Mah hna hi Levi fapa hna, an pale chungkhar ning cio ah an si; annih cu an pa le chungkhar hna lu cio, Bawipa inn rian kha òuan awkah, min thlak a simi kum kul ri in a cunglei hna kha an si.
25 Cucaah David nih hi bangin “ Bawipa, Israel Pathian nih a mi cu daihnak a pek cang hna; cun Jerusalem ah zungzal in a um.
26 Cucaah Levi mi hna nih puan biakinn kha siseh, a chung rianòuannak ca i thilthuam si hna seh, an phorh a herh ti lo,” a ti; Ref 23.26: Deu 10.8
27 zeitintiah David bia a hmanung bik bangin, Levi mi kum kul ri in a cunglei hna cu mah zat hi an si.
28 “Sihmanhsehlaw annih an rian cu Bawipa inn rianòuannak i Aaron fapa hna bawmh kha a si lai, annih nih tual hna le innchung dal hna kha an zohkhenh lai, a thiangmi thil vialte kha an thianhhlimh lai. Pathian inn chung rian zeipaoh kha an òuan lai; Ref 23.28-32: Nam 3.5-9
29 cun hun camcinmi changreu le changvut thawinak ca i changvut le thilnu cawh lo changreu pan tete hna le rawhmi changreu thawinak le chiti he cawhmi thawinak hna timhtuahnak le a tam a tlawm lei tahnak ah siseh, a hmet a ngan lei tahnak ah siseh, annih nih an bawmh fawn hna lai.
30 Cun zing fate in an dir lai i Bawipa kha an lawmh lai i an thangòhat lai, cu bantuk òhiamòhiam in zanlei zongah,
31 cun Bawipa sinah khangh thawinak hna kha Sabbath ni ah siseh, thla thar ah siseh, puai ni ah siseh, cu zat in nan tuah awk a si tining khan Bawipa hmaiah pekchanh camcin a si fate annih nih cu bantuk òhiamòhiam in an tuah lai.
32 Cuticun annih nih tonnak thlam le hmunthiang kha an zohkhenh hna lai i Bawipa inn rian òuannak ah khan an unau Aaron fapa hna kha an bawmh hna lai.”