16
Cun Pathian kuang cu an luhpi i David nih a bunhpiakmi thlam chungah khan an chiah; cun Pathian hmaiah khangh thawinak le daihnak thawinak kha an pekchanh. Cun David nih khangh thawinak le daihnak thawinak pekchanh kha a dih tikah, mizapi cu Bawipa min in thluachuahnak a pek hna i, Israel mi vialte cu nu he pa he changreu hlum khat le sa zam khat le mitsur car hlum khat cio a phawt hna.
Cuhleiah Levi mi a cheukhat cu Bawipa Kuang hmai i rianòuantu ah, Bawipa, Israel Pathian sinah thlacam awk le lawmh awk le thangòhat awkah, a thiah hna. An haotu bik cu Asaf a si, a hun dottu ah Zekhariah, Jeiel, Shemiramoth, Jehiel, Mattithiah, Eliab, Benaiah, Obed-edom le Jeiel an si, annih cu tingtang le thonglawi tumtu ding an si; Asaf cu sumsel tumtu ding a si, cun tlangbawi Benaiah le Jahaziel cu Bawipa Biakamnak Kuang hmaiah muko a tum lengmang tu ding an si.
David Lawmhnak Thangòhatnak Hla
(Slm 96.1-13; 104.47-48; 105.1-15)
Cun kha ni ah khan David nih Bawipa sin i lawmhnak hla sak awkah Asaf le a unau rual cu a thiah hna.
Bawipa sinah lunglawmhnak bia
chim tuah u, a min kha au tuah u,
Mi zakip kha a tuahnak
hngalhter hna u!
Hla in hlawrh tuah u, hla in
thangòhat tuah u,
Khuaruahhar a rianòuannak vialte kha
chim tuah u!
10 A min thiang cu sunparnak ah
hmang u,
Bawipa a kawlmi hna lung kha
i lawm hna seh!
11  Bawipa le a òhawnnak kha
kawl tuah u,
A hmai kha kawl lengmang tuah u!
12 A tuahmi khuaruahhar rian le
khuaruahharnak a tuahmi hna le
Biakhiahnak a chimmi hna cu
philh hlah u,
13 Maw a sal Abraham tefa hna,
Jakob fapa a thimmi hna!
 
14 Amah cu Bawipa, kan Pathian a si;
A biakhiahnak cu vawlei khuazakip ah a um.
15 A biakamnak cu a hngalh zungzal
A fehtermi a bia cu chan thong khat
tiang a philh lo;
16 Abraham he biakamnak a tuah,
Isak sinah chiatser in bia a kam; Ref 16.16: Gen 12.7, 26.3
17 Jakob sinah nawlbia a fehter,
Israel sinah zungzal hmunmi
biakamnak a tuah; Ref 16.17-18: Gen 28.13
18 “Nangmah sinah Kanaan ram cu
ro caah,
Na covo ah kan pek lai,” a ti.
19 Mi tlawmte an si i santlailo le
khi ram chungah mipem an si i
20 Miphun khat sinin phun khat sinah
a vak i
Ram khat in ramdang ah
an kal tikah,
21 Ahohmanh annih kha a hremter
hna lo;
Anmah ruangah siangpahrang kha
a sik hna, Ref 16.21-22: Gen 20.3-7
22 “Chiti ka thuhmi hi tawng hna
hlah u,
Ka profet hna hi harnak pe hna
hlah u,” a ti.
23 Vawlei vialte hna, Bawipa sinah
hla hun sa tuah u!
Nifate in amah khamhnak kha
chim tuah u.
24 Miphun hna lakah a sunparnak kha
thanh tuah u,
Mi vialte hna lakah, khuaruahhar
a tuahnak zong!
25 Zeitintiah Bawipa cu a lianngan i
fak piin thangòhat awk a si,
Mi hna pathian vialte hna nakin
amah cu òih awk a si deuh.
26 Zeitintiah mi hna pathian vialte cu
siasal an si,
Sihmanhsehlaw Bawipa nih van khi
a ser hna.
27 Upatnak le lianngannak cu
a hmaiah an um,
Òhawnnak le lawmhnak cu
a hmun chungah an um.
 
28 Maw mizakip chung i miphun
vialte hna, Bawipa sinah pe ko u,
Bawipa sinah sunparnak le
òhawnnak pe ko u!
29  Bawipa cu amah min he aa tlakmi
sunparnak cu pe ko u,
Pekchanh awk rak i put u law
a hmaika ah ra chuak tuah u!
Thuam thianghlim in i thuam in
Bawipa cu bia tuah u,
30 Vawlei vialte hna, amah hmaiah cun
ther tuah u;
Asi, vawlei cu fek tein a dir ko,
aa hnin bal lai lo.
31 Van hna khi i lawm ko hna seh,
vawlei hi a tha nuam seh,
“ Bawipa nih a pen!” tiah miphun kip
sinah chim hna seh.
32 Rili le a chungah a ummi thil vialte
awn hna seh,
Lo le a chungah a ummi thil vialte
kha i lawm hna seh!
33 Khi tikah ramlak thingkung vialte cu
Bawipa hmaiah lawmhnak in
hla an sa lai,
Zeitintiah vawlei kha biaceih awkah
amah cu a ra.
34  Bawipa cu lawm tuah u, zeitintiah
amah cu a òha;
Zeitintiah a fekmi a dawtnak cu
zungzal in a hmun! Ref 16.34: 2Cha 5.13, 7.3; Ezr 3.11; Slm 100.5, 106.1, 107.1, 118.1, 136.1; Jer 33.11
35 “Maw kan khamhnak Pathian
kan chanh law
Miphun hna chungin kan pum law
kan khamh tuah,
Zeitintiah na min thiang cu
kan lawmh i
Na thangòhatnak cu
kan i chawr nakhnga
36  Bawipa, Israel Pathian cu,
zungzal in zungzal tiang
thangòhat si ko seh!” ti tuah u.
Cun mi vialte nih, “Amen!” tiah an ti. Bawipa kha an thangòhat.
Kuang Zohkhenhtu Levi Mi Thiahmi
37 Cuticun David nih Asaf le a unau rual hna cu khika ah, Bawipa Biakamnak Kuang hmaiah cun, nifate a herhnak bantukin rianòuan zungzal awkah a chiahtak hna, 38 Obed-edom le a unau rual 68 zong kha; Jeduthun fapa Obed-edom le Hosah tu cu kutka cawngtu caah khan an si. 39 Cun tlangbawi Zadok le a unau hna tlangbawi hna kha Gibeon i a ummi khuahrum bo i Bawipa Puan Biakinn hmaiah khan a chiahtak hna, 40  Bawipa nih Israel mi nawl a pekmi hna phungbia chung i aa òialmi vialte ningin, annih nih zinglei he zanlei he khangh thawinak biakòheng cungah khan Bawipa sin i khangh thawinak kha an pekchanh thluangthluan awk a si. 41 An sinah cun Heman le Jeduthun le, Bawipa cu a fekmi a dawtnak kha zungzal in a hmunh caah a sinah lawmhnak bia chim awk ca i thimmi hna le fiang tein min chimmi a cheu hna kha an um, 42 Heman le Jeduthun nih hlasaknak caah khan muko le sumsel an ngeih hna i hla thiang caah khan hlasaknak thilri an ngeih hna. Jeduthun fapa hna cu kutka cawngh kha an thiah hna.
43 Cun mi vialte cu an inn cio ah an òin i David cu a inn ah a innchungkhar hna thluachuah pek awkah a kal. Ref 16.43: 2Sam 6.19-20