14
Hiram Nih David Kha A Theihhngalh
(2Sam 5.11-12)
1 Cun Tair siangpahrang Hiram nih David kha lamkaltu le sidar thing le lungremh thiam le zungthiam hna zong kha amah cu inn
sakpiak awkah a kuat hna.
2 Cun David nih, Bawipa nih Israel mi cungah siangpahrang ah a ka fehter cang, ti le
a mi Israel mi hna ruangah ka pennak cu sangpi ah hlorh a si cang
ti kha a hngalh.
David Nih Jerusalem Ah A Hrinmi
(2Sam 5.13-16; 1Cha 3.5-9)
3 Cun David nih Jerusalem ah khan nupi aa lak chap hna i David cu fapa tam chinchin le fanu tam chinchin a ngei.
4 Mah hna hi Jerusalem ah a hrinmi a fale hna min cu a si: Shammua, Shobab, Nathan, Solomon,
5 Ibhar, Elishua, Elpelet,
6 Nogah, Nefeg, Jafia,
7 Elishama, Beeliada, le Elifelet.
David Nih Filistin Mi A Tei Hna
(2Sam 5.17-25)
8 Filistin mi nih David kha Israel vialte cung i siangpahrang ah chiti thuh a si cang ti kha an theih tikah, Filistin mi vialte
cu David kawl ah khan an hung kal; cun mah cucu David nih a
theih i annih doh awkah khan a chuak ve.
9 Cun Filistin mi cu an ra i Refaim nelrawn kha an hranh.
10 Cun David nih Pathian kha a hal i, “Filistin mi hna doh awkah ka hung kal lai maw? Annih cu ka kut chungah na ka pe hna
hnga maw?” tiah a ti. Cun
Bawipa nih amah cu. “Hung kal ko, annih cu na kut chungah kan pek
hna lai,” tiah a ti.
11 Cun Baal-perazim ah a hung kal i David nih khika ah a tei hna; cun David nih, “Pathian nih ka ral hna cu tilian aa sah
phut bantukin a sah hna,” tiah a ti. Cucaah cuka hmun cu a min
ah Baal-perazim ti a si.
12 Cun khika ah an pathian hna kha an kaltak hna i David nih nawl a pek hna i an khangh hna.
13 Filistin mi hna nih cun nelrawn cu an hranh òhan hoi.
14 Cun David nih Pathian kha a hal òhan tikah, Pathian nih amah cu, “Na hung dawi hna hnga lo; i vel law balsam kung hna
zawn khin chuahhnawh hna.
15 Cun balsam thing par hna i kal thawng na theih tikah, khi tikah raldohnak hmun ah cun va chuak tuah; Pathian cu na hmaiah,
Filistin mi ralkapbu tuk awkah a kal cang,” tiah a ti.
16 Cun David nih Pathian nih nawl a pek bangin a tuah i Filistin ralkapbu cu Gibeon in Gezer tiang an thah hna.
17 Cun David minthannak nih cun ram vialte kha a cul dih i miphun vialte cungah amah òihnak kha
Bawipa nih a tlunter.