13
Biakam Kuang Jerusalem Ah An Ratpi
1 David nih a thong pawl haotu hna le a za pawl haotu hna le haotu paohpaoh kha lungthin cheuh awk a hal hna.
2 Cun David nih Israel mi aa pummi vialte cu a thawh hna i, “Nannih nih a òha tiah nan ruah i Bawipa kan Pathian duhnak a si ahcun, Israel ram chung i a um rihmi kan unau hna le an sin i a ummi tlangbawi hna le Levi mi hna, saòil tlonnak ram a ngeimi khua chung i a ummi hna kha, kan sinah i pumh ve awkah an rat nakhnga, hei sawm hna u sih.
3 Cun kan Pathian kuang kha kan sinah ratpi òhan u sih; zeicahtiah Saul chan lioah khan kannih nih kan rak daithlanh ai,” tiah a ti.
4 Aa pummi vialte nih cu bantukin tuah awkah an hna a tla, zeicahtiah cu thil cu mi vialte mithmuhnak ah thil dik a si.
David Cu Kuang Put Ah A Kal
(2Sam 6.1-11)
5 Cucaah David nih Israel mi vialte cu Izipt ram tiva Shihor in Hamath luhnak tiang Kiriath-jearim in Jerusalem ah Pathian kuang cu ratpi awkah a pumh hna. Ref 13.5: 1Sam 7.1-2
6 Cun David le Israel mi vialte cu Baalah ah khan an hung kal, cucu Judah ta a simi Kiriath-jearim kha a si; cherubim hna cungah a òhumi Bawipa min in kawhmi Pathian kuang va lak awkah khan a si. Ref 13.6: Exo 25.22
7 Cun annih nih Abinadab inn khan Pathian kuang cu cawleng thar cungin an kalpi i Uzza le Ahio nih khan cawleng cu an mawngh.
8 Cun David le Israel mi vialte kha Pathian hmaiah cun an thazang dihlak le hla le tingtang le thonglawi le khuang tete le sumsel le muko he tiah thanuam in an um.
9 Cun Khidon phuhri an va phak tikah, cawtum cu an lumhrilh caah Uzza nih cun kuang kha tlaih awkah a kut in a hei banh.
10 Cun Bawipa thinhunnak cu Uzza cungah cun a alh i kuang kha a hei banh caah a thah i cuka ah cun Pathian hmaiah a thi.
11 Cun Bawipa nih Uzza cungah a thinhunnak a langhter caah David cu a thin a hung i cuka hmun cu nihin ni tiang hin Perez-uzzah tiah ti a si. e Hebru holh in Perez-uzzah sullam cu “Perez-uzzah dantatnak” ti a si.
12 Cun David nih Pathian cu khi ni ah a òih i, “Zeitindah inn ah ka sinah Pathian kuang cu ka ratpi khawh lai?” tiah a ti.
13 Cucaah David nih inn ah David khua chungah khan kuang cu a luhpi lo, sihmanhsehlaw Git mi Obed-edom inn ah khan a kalpi.
14 Cun Pathian kuang cu Obed-edom inn chungah khan a innchungkhar hna he thla thum a um; cun Bawipa nih Obed-edom innchungkhar le a ngeihmi vialte cu thluachuah a pek hna. Ref 13.14: 1Cha 26.4-5