11
David Cu Israel Siangpahrang A Cang
(2Sam 5.1-5)
1 Cun Israel phun vialte kha Hebron ah David sinah, hmunkhat ah an i pum i annih nih, “Zohhmanh, kannih cu na ruh le na sa kan si.
2 Kan hnulei caan, Saul siangpahrang a si lio hmanh ah khan, Israel mi a chuahpitu le a luhpitu cu nangmah na si; cun Bawipa na Pathian nih nangmah cu, ‘Ka mi Israel mi hna cungah tuukhal na si lai i ka mi Israel mi hna cungah bawi na si lai,’ an ti,” tiah an ti.
3 Cucaah Israel mi upa vialte kha siangpahrang sinah cun Hebron ah khan an ra; cun David nih annih he cun Bawipa hmaiah Hebron ah khan biakamnak a ser i annih nih Samuel sinin Bawipa bia a rami ning khan, David cu Israel mi siangpahrang ah chiti an thuh.
David Nih Zion A Lak
(2Sam 5.6-10)
4 Cun David le Israel mi vialte cu Jerusalem ah an kal, mah cucu Jebus a si, cuka ah cun cuka ram i a ummi Jebus mi hna cu an um. Ref 11.4: Jos 15.63; Biac 1.21
5 Jebus i a ummi hna nih cun David cu an thawh i, “Hika ah hin na ra lut lai lo,” an ti. Asinain David nih Zion ralhau cu a lak, mah cucu David khua timi cu a si.
6 David nih, “Jebus mi a tu hmasa bik paoh cu ralbawi bik a si lai,” tiah a ti. Cun Zeruiah fapa Joab cu a hung kal hmasa bik i cucaah ralbawi bik ah cun a cang.
7 Cun David cu ralhau chungah cun khua a sa; cucaah mah cucu David khua tiah ti a si.
8 Cun khua cu a velchum in, Millo thawk in a kulhnak tling tein a ser; cun Joab nih khua cu remh awk a tang rihmi kha a remh.
9 Cun David cu, ralkapbu Bawipa kha a sinah a um caah, a ngan chin lengmang.
David Miòhawng Hna
(2Sam 23.8-39)
10 Mah hna hi David miòhawng hna upa bikbik cu an si, Israel mi kong i Bawipa bia ning khan, amah kha siangpahrang i ser awkah Israel mi vialte hna he hmunkhat ah a pennak chungah khan fak piin an bawmh.
11 Mah hihi David miòhawng hna kong cu a si: Hakhmon mi Jashobeam hi pathum hna lak i haotu bik a si, amah nih minung 300 òum khat i a thahmi hna cungah khan fei a hman.
12 Cun miòhawng pathum hna lak i amah a hun changtu cu Ahohi mi Dodo i fapa Eleazar kha a si.
13 Filistin mi hna cu raldoh awk i Pas-dammim ah an i pumh tikah, khika ah amah cu David sinah khan a um. Khika ah hmun pakhat a um i barli in a khat i mi hna cu Filistin mi hna sin cun an zam.
14 Sihmanhsehlaw cu hmun laifang ah cun a dir hmun aa serh i cuka hmun cu a humhak i Filistin mi kha a thah hna; cun Bawipa nih teinak ngan piin a khamh hna.
15 Haotu bik 30 hna lak i pathum hna kha, Filistin ralkapbu cu Refaim nelrawn i an riah lioah, David sinah Adullam lungkua lungpi ah khan an vung kal.
16 Cu lioah cun David cu ralhruang chungah a um i Filistin mi ralvengtu ralkap hna cu Bethlehem ah an um.
17 Cun David nih ti kha a ngai ruangmang i, “Bethlehem tikhor, hauka pawng i a ummi ti kha din awkah a ka petu hei um hna seh law, ka hei duh hnga dah,” tiah a ti.
18 Khi tikah miòhawng pathum hna nih khan Filistin mi hna riahhmun chung cun an va lan i Bethlehem tikhor, hauka pawng i a ummi chung khan ti cu an va than i David sinah an ratpi. Sihmanhsehlaw David nih din a duh lo; Bawipa hmaiah khan a bungh i,
19 “Hi mi hna nunnak thi hi ka din ko hnga maw? Zeitintiah annih nih thih le thih tiin an rak putmi a si,” tiah a ti. Cucaah cun din cu a duh lo. Mah thil hna cu miòhawng pathum hna nih khan an tuah.
20 Cun Joab unau Abishai kha Sawm Thum hna lak i haotu bik cu a si. Cun mi 300 hna cungah fei a hman i a thah hna i pathum hna sinah khan a thang aa chuah ve.
21 Amah cu Sawm Thum hna lakah khan cun minthang bik a si i an haotu ah a cang, sihmanhsehlaw Pathum hna kha cu a khingkhang hna lo.
22 Jehoiada fapa Benaiah cu Kabzeel khuami miralòha, thil lianngan a tuahtu a si; amah nih Moab arield ariel § hi a sullam hngalh lo a si. pahnih a thah hna. Cun hawhra a tlak ni ah khan a vung kal i chiandeih pakhat zong khor chungah a thah fawn.
23 Cun Izipt mipa pakhat, a ngan ngaingai i a tung dong nga a sangmi kha a thah. Izipt mipa nih cun thiamtlang bantuk a simi fei pakhat aa put; sihmanhsehlaw Benaiah nih cun thingthluan he a vun fuh i Izipt mipa cu a kut chungin fei kha a chuh i amah fei lila cun a thah.
24 Mah thil hna hi Jehoiada fapa Benaiah nih khan a tuah hna i miòhawng pathum hna sinah khan a thang aa chuah ve.
25 Sawm Thum hna lakah khan a min a thang ve, sihmanhsehlaw Pathum hna kha cu a khingkhang hna lo. Cun David nih a pum ralvengtu haotu ah a chiah.
26 Ralkapbu hna chung i miòhawng hna cu Asahel Joab unau, Bethlehem khuami Dodo fapa Elhanan,
27 Harod khuami Shammoth, Pelon mi Helez,
28 Tekoa khuami Ikkesh fapa Ira, Anathoth khuami Abiezer,
29 Hushath mi Sibbekai, Ahohi mi Ilai,
30 Netofah khuami Maharai, Netofah khuami Baanah fapa Heled,
31 Benjamin mi hna khua Gibeah mi Ribai fapa Ithai, Pirathon mi Benaiah,
32 Gaash i tivarek hna mi Hurai, Arbath mi Abiel,
33 Baharum mi Azmaveth, Shaalbon mi Eliahba,
34 Gizon mi Hashem, Harar mi Shagee fapa Jonathan,
35 Harar mi Sakher fapa Ahiam, Ur fapa Elifal,
36 Mekherath mi Hefer, Pelon mi Ahijah,
37 Karmel mi Hezro, Ezbai fapa Naarai,
38 Nathan unau Joel, Hagri fapa Mibhar,
39 Ammon mi Zelek, Beeroth khuami Naharai, amah cu Zeruiah fapa Joab hriamnam putu a si,
40 Ithra mi Ira, Ithra mi Gareb,
41 Hit mi Uriah, Ahlai fapa Zabad,
42 Reuben mi Shiza fapa Adina, amah cu Reuben mi le amah sin i a ummi 30 haotu a si,
43 Maakah fapa Hanan le Mithni mi Joshafat,
44 Ashteroth mi Uzzia, Aroer mi Hotham fapa Shama le Jeiel,
45 Shimri fapa Jediael le a unau Joha, Tiz mi,
46 Mahav mi Eliel, Elnaam fapa Jeribai le Joshaviah le Moab mi Ithmah,
47 le Mezoba mi Eliel Obed le Jaasiel an si.