SALM 95
Thangòhatnak Hla
1 Ra u law Bawipa cu thangòhat u sih.
Kannih a kan khamhtu
Lungpi cu lunglawmhnak in
hla in thangòhat u sih.
2 Lunglawmhnak in amah hmaiah
chuak u sih law
lawmhnak le thangòhatnak hla
sa u sih.
3 Zeicahtiah Bawipa cu
a òhawngmi Pathian a si,
pathian dang vialte cung
siangpahrang òhawng a si.
4 Vawleicung vialte hi
amah nih a uk dih,
lungkua thuk bik in tlang
sang bik tiang a uk dih hna.
5 Amah nih a sermi rili kha a uk i
amah nih a sermi
vawlei zong kha a uk fawn.
6 Ra tuah u, kun u sih law bia u sih;
a kan Sertu Bawipa hmaiah cun
kan khuk i bil u sih!
7 Amah cu kan Pathian a si,
kannih cu a kan zohkhenhmi
kan si,
a kan cawmmi tuurun kan si.
A chimmi kha nihin cu ngai tuah u;
a bia cu hihi a si: Ref 95.7-8: Heb 3.15; 4.7 Ref 95.7-11: Heb 3.7-11
8 “Nan pupa hna kha Meribah ah
lung hak in an rak um bang khan
nannih cu um hlah u, Ref 95.8-9: Exo 17.1-7; Nam 20.2-13
9 an ca i ka tuahmi kha
an hmu ko nain
khaka ah khan
an ka hneksak i an ka zuamcawh.
10 Kum 40 chung awlok
an ka chonh i,
“Annih cu ka nawlbia a ngai
duh lo i
ka cungah zumhawktlak in
a um duh lomi an si,’ ka ti.
11 Ka thin a hung i,
“Dinhnak ka pek hnanak ding
ram chungah cun an lut
hrimhrim lai lo,’ tiin
chiatser in bia ka chim,” a ti. Ref 95.11: Nam 14.20-23; Deu 1.34-36; 12.9-10; Heb 4.3-5