SALM 87
Jerusalem Thangòhatnak Hla
Korah Hla
1 Pathian nih tlang thiang cungah
a khualipi kha a sak;
2 Jerusalem khua cu,
Israel ram chung i hmun dang
vialte nakin a dawt deuh.
3 Pathian nih nangmah kong ah
a chimmi bia sunglawi cu
ngai tuah,
Maw Pathian khualipi; Selah
4 “Ka nawl a ngaimi miphun hna
cazin kha ka òial tikah,
Izipt le Babilon kha ka telh chih
hna lai;
cun Filistia le Tair le Ethiopia
zong kha,
Jerusalem ta nan si tiah
ka ti hna lai,” a ti.
5 Zion kong ah cun, miphun vialte kha
Zion ta an si dih ti a si lai i
Cungnung Bik nih a òhawnter lai.
6 Bawipa nih miphun hna
cazin kha a òial lai i annih cu
Jerusalem khuami hna chungah khan
a telh chih hna lai. Selah
7 Milam mi pawl le hlasa mi pawl nih,
“Kan thluachuah vialte i hrampi cu
Zion chungah hin a um,”
tiah an sak lai.