SALM 84
Pathian Inn Ngaih
Korah Hla
1 Maw Lianngan Bik Bawipa,
zeitluk in dah na biakinn cu
ka duh!
2 Cuka i um cu ka duh hringhran!
Bawipa biakinn chung tual cu
ka ngai hna.
A nungmi Pathian cu ka nunnak
dihlak in hla in ka thangòhat.
3 Pithlung hmanh nih bu an i sak i
pele hmanh nih anmah inn te
an ngei;
an fano cu na biakòheng pawngah
an chiah hna,
maw Lianngan Bik Bawipa,
kan siangpahrang le kan Pathian.
4 Na biakinn chungah a ummi cu
zeitluk in dah an i lawmh,
nangmah thangòhatnak hla
a sa zungzalmi hna cu
zeitluk in dah an tha a nuam! Selah
5 Nangmah sinin thazang a hmumi hna
cu zeitluk in dah an i lawmh,
Zion Tlang i va kal a duhmi hna cu
zeitluk in dah an i lawmh.
6 A ro a carmi nelrawn kha an tan tikah
cerhti put tamnak hmun ah a cang;
ruahter nih khan tidil in a khahter.
7 An kal tikah an òhawng chin
lengmang;
Zion Tlang ah pathian hna
8 Maw Lianngan Bik
Bawipa Pathian,
ka thlacamnak kha
ka theihpiak tuah,
Jakob Pathian,
ka thlacamnak kha
9 Maw Pathian, kan siangpahrang cu
thluachuahnak pe ko,
nangmah nih na thimmi
siangpahrang cu
thluachuahnak pe ko.
10 Na biakinn chungah ni khat um cu
hmun dang i ni 1-000
um nakin a òha deuh.
Miòhalo mi hna inn chung i
um nakcun ka Pathian inn
kutka hram dir hmanh
ka duh deuh.
11 Bawipa cu
a kan hupphengtu le
a sunglawimi kan siangpahrang
a si,
amah nih thluachuah a kan pek i
vel le thangòhatnak kan hmuh.
A dingmi thil a tuahtu paoh cu
thil òha kha pe loin a um hna lo.
12 Maw Lianngan Bik Pathian,
nangmah an bochanmi cu
lunglawmmi an si.