SALM 8
Pathian Sunparnak le Minung Lianhngannak
David Hla
1 Maw Bawipa, kan Bawipa,
Na lianhngannak cu vawleicung
dihlak ah hin a lang ko!
Nangmah thangòhatnak hi
van tiang a phan i;
2 ngakchia le bawhte nih hla in an sak.
Na ral hna khamkanhnak ah
ralhruang na ser i,
na ral le nangmah an huatu hna
rak donhnak ah ralhau na ser. Ref 8.2: Mat 21.16
3 Nangmah na sermi van le
an hmun ciote ah na chiahmi
thlapa le arfi hna khi ka zoh tikah,
4 minung hi zeidah a si i
na hnakkar ah na tenh?
Minung menmen a simi hi
zeidah a si i a zawn na ruah?
ti hi ka ruat. Ref 8.4: Job 7.17-18; Slm 144.3; Heb 2.6-8
5 Nangmah lawnglawng hi
a cungah a ummi na si i
sunparnak le upatnak cu
a lu ah na chinh.
6 Na sermi thil vialte a uktu ah na ser i
zeizong vialte hna dihlak cungah
khan na chiah: Ref 8.6: 1Kor 15.27; Efe 1.22; Heb 2.8
7 tuu le caw le ramlak saram hna,
8 va le nga le rili chung thilnung
vialte zong,
an dihlak in a tangah na chiah hna.
9 Maw Bawipa, kan Bawipa,
na lianhngannak cu vawleicung
dihlak ah hin a lang ko!