SALM 75
Pathian Cu Biaceihtu A Si
Asaf Hla
Nangmah cu kan in thangòhat,
Maw Pathian, nangmah cu
kan in thangòhat.
Zeitluk in dah na lianhngan kha
kan thanh i
khuaruahharmi thil na tuahmi kha
kan chim.
 
Pathian nih, “Biaceihnak dingah
caan ka khiah cang i
aa buaktlak tein ka ceih hna lai.
Selah
Vawlei le a cung i a ummi minung
vialte hi lo dih hna hmanh seh law
vawlei hram cu fek tein
ka umter lai.
Miruamkai kha i porhlaw hlah u,
ka ti hna i
miòhalo kha nan lung puam hlah u,
ka ti hna;
i leksuai ti hlah u, ka ti hna i
i fak len ti hlah u ka ti hna,” a ti.
 
Biaceihnak hi nichuahlei in siseh,
nitlaklei in siseh a ra lo,
chaklei in siseh, thlanglei in siseh
a ra lo;
bia a ceihtu cu Pathian a si i
a cheu kha a òhumh hna i a cheu
kha a cawi hna,
Bawipa nih a kut in hrai pakhat
aa put,
cu hrai cu zuhrim, a òhawng
ngaingaimi in a khat,
a thlet i miòhalo vialte kha
a dinter hna,
a ne zongin an khawn dih.
Sihmanhsehlaw kei cu Jakob Pathian
kong chim kha ka bang lai lo i
amah thangòhatnak hla sak zong
kha ka ngol bal lai lo.
10 Miòhalo mi hna òhawnnak cu
a hrawh lai,
sihmanhsehlaw miding mi
òhawnnak kha cu a karh chin lai.