SALM 72
Siangpahrang Ca Thlacamnak
Solomon Hla
Maw Pathian, siangpahrang nih
hin bia ka ceih tikah
na dinnak kha ka hman nakhnga,
ka cawnpiak ko;
cun na mi cu dinnak in ka uk hna
nakhnga le
sifakmi kha ding tein an bia
ka ceihpiak hna nakhnga
na dinnak kha keimah cu
ka hrawm ko.
Ram nih hin rumnak i lawmhpi
seh law
dinnak kha a chungah leng seh.
Siangpahrang nih khan sifakmi kha
an bia duhdanh lo tein ceihpiak
hna seh law
retheimi kha bawm hna seh law
mi hremtu kha tei hna seh.
Ni a ceu chung paoh le
thla a ceu chung paoh cu
na mi nih a zungzal in
in bia hna seh.
 
Siangpahrang cu lo a surhtu
ruah bantuk si seh law
vawlei a cawmtu ruah bantuk
si seh.
A chan chungah dinnak kha
karh seh law
thlapa a ceu chung paoh cu
siòhatnak kha hmun ko seh.
 
A penmi ram cu rili pakhat in
rili pakhat tiang a si lai i
Zufrates tiva in vanhramdeng tiang
a si lai. Ref 72.8: Zek 9.10
Thetse ram mi kha a hmaiah
an kun lai i
a ral kha leidip lakah an bawk lai.
10 Spain ram siangpahrang le tikulh ram
siangpahrang hna nih khan
laksawng an rak put lai;
Arabia ram siangpahrang le
Ethiopia ram siangpahrang hna
nih khan
laksawng an ra òhenh lai.
11 Siangpahrang vialte kha a hmaiah
an kun lai i
miphun vialte nih a rian an òuan lai.
 
12 Amah a autu sifakmi hna le
retheimi hna, mi nih zei ah
an rel lomi hna kha, a chanh hna.
13 A dermi le sifakmi cungah
zaangfahnak a ngei i
retheimi kha an nunnak kha
a khamh hna.
14 Hremnak chung le serhsatnak
chungin a khamh hna;
an nunnak kha a caah thil sung a si.
 
15 Siangpahrang cu saupi nung ko seh!
Arabia ram in sui rak pe hna seh;
a zungzal in thlacampiak hna seh;
Pathian nih a zungzal in
thluachuahnak pe seh.
16 Ram chungah rawl tam piin
um ko seh;
Lebanon tlang i a ummi rawl kung
òha bantuk nih
tlang vialte cu tuam dih hna seh.
Ramlak i a khomi ram bantukin
khuapi cu minung in khat hna seh.
17 A min cu zeitikhmanh ah philh
si ti hlah seh;
a minthannak cu ni a um chung
paohpaoh dai loin
um zungzal ko seh.
Miphun zakip nih amah cu
thangòhat hna seh,
mi vialte nih Pathian cu,
siangpahrang thluachuah
na pek bantukin kannih zong
kan pe ve, tiin nawl hna seh.
 
18  Bawipa Israel Pathian cu
thangòhat ko u,
amah lawnglawng cu, hi thil
khuaruahhar a tuah khotu a si.
19 A sunglawimi a min cu zungzal in
thangòhat ko u,
a sunparnak cu vawleicung
dihlak ah khat seh.
Amen, Amen.
 
20 Hihi Jesse fapa David thlacamnak
an donghnak a si.