SALM 64
Himnak Ca Thlacam
David Hla
1 Maw Pathian, harnak ka tong,
ka thlacamnak cu
ka ngaihpiak tuah!
Ka thin a phang, ka ral hna
kut chungin ka khamh tuah!
2 Miòhalo hna khuakhannak chungin
ka khamh law
misual bu hna sinin
ka huppheng ko.
3 An lei kha nam bantukin an i tat i
bia òhalo kha thal bantukin an kah.
4 Miòha kha lamhruang an ah hna i
chikkhatte ah i sumòhen loin
an thal cun an kah hna.
5 Thil òhalo tuahnak ding khua
an khanmi ah khan,
pakhat le pakhat thazang an i pe,
khuazei ah dah kan rap kha
kan chiah hna lai tiah an i ceih.
“Kan rap cu ahohmanh nih hmu hna
hlah seh,” an ti.
6 Òhat lonak tuah ding khua cu
an khan i
“Òhat lonak tuah ding khua
kan khanmi cu a òha tuk,” an ti.
Minung lungthin le ruahnak hi
khuaruahharmi thil thuk a si
7 Sihmanhsehlaw Pathian nih
a thal in a kah ciammam hna i
chikkhatte ah khin hma an pu ko.
8 An bia nih khan rawhnak
a phakpi hna lai i
a hmumi paoh nih an lu
an thinhnawh hna lai.
9 An dihlak in an thin a phang lai;
Pathian nih a tuahmi kha
an chim lai i
a tuahmi kong cu an ruat hna lai.
10 Bawipa nih a tuahmi
thil ruangah khan
miding mi vialte cu an i lawm lai;
Bawipa chungah cun
himnak an hmuh lai i
miòha vialte nih amah cu
an thangòhat lai.