SALM 63
Pathian Ka Ngaik Hebru holh ah cun, David nih hi hla hi Judea ramcar i a um lioah a òial, ti a si.
(1Sam 23.14)
David Hla
1 Maw Pathian, nangmah cu
ka Pathian na si,
nangmah cu kan ngai.
Ka nunnak nih hin an hlam i
ka thlarau nih tihal in an hal;
vawlei ro nih ti a duh bantuk khin
an duh.
2 Hmunthiang ah cun in hmu ning law
zeitluk in dah na lianhngan le
na sunpar kha in hngal ning,
ti ka duh.
3 A fekmi na dawtnak cu
nunnak nakin a òha deuh,
cucaah cun nangmah cu
kan thangòhat lai.
4 Ka nun chung paohpaoh cu
kan lawmh lai;
nangmah leiah ka kut ka hler lai i
thla ka cam lai.
5 Ka nunnak cu rawldangh bantukin
aa dang lai i a khim lai,
cun nangmah thangòhat lawmhnak
6 Ihkhun cung i ka ih tikah
nangmah cu kan thei,
zan khuadei nangmah kha kan ruat,
7 zeicahtiah nangmah cu
a kan bawmtu na si zungzal.
Na thla tangah lawmhnak in
hla ka sa.
8 Nangmah kha kan tlaihchan i
na kut nih him tein an ka umter.
9 Keimah thah a ka zalmi kha
mithi khua ah an kal lai;
10 raltuknak hmun ah khan an thi lai i
an ruak cu cenghngia nih
an ei hna lai.
11 Pathian thawngin siangpahrang cu
aa lawm lai;
Pathian min in biakamnak a tuahmi
vialte hna cu an i lawm lai,
sihmanhsehlaw milihchim hna cu
an kaa phih a si lai.