SALM 59
Luatnak Ca Thlacamh Saul nih David thah awkah a inn a conghter hna i a phuahmi.
David Hla
(1Sam 19.11)
Ka ral hna sin hin ka khamh tuah,
ka Pathian;
a ka dohtu hna kut chung hin
ka huppheng tuah.
Miòhalo hna kut chung hin
ka khamh law
lainawng hna kut chung hin
ka chuah tuah.
 
Zohhmanh, keimah cu thah awkah
an ka bawh,
keimah doh awkah mipuarhrang
pawl cu an i pum.
Òhat lonak le sualnak
ka tuah ruangah si loin
ka sual ca le ka palh ca zongah
si loin,
Maw Bawipa,
an ka bawhnak hmun ah khan
khulrang in an va tli.
Maw Lianngan Bik Bawipa, tho law
ka bawm tuah;
maw Israel Pathian,
nangmah hrimhrim nih
ra zoh tuah.
I hlau law miphun kha dantat hna,
mi rawi hmang, miòhalo mi hi,
zaangfah hna hlah.
Selah
 
Zanlei fate an ra kir i uico bantukin
an au i khua chungah an i chawk.
An chimmi bia cu ngai tuah!
An lei cu an kaa chungah vainam
bantuk an si nain an i thawh i,
“Aho nih dah a kan theih lem lai?” an ti.
 
Sihmanhsehlaw Maw Bawipa,
nang nih cun
na nihsawh ko hna;
miphun vialte cu capo men ah
na saih ko hna.
Maw a ka Vengtu, nangmah nih
na ka huhphenh;
Maw Pathian, nangmah cu
ka ralhruang na si.
10 A ka dawtu ka Pathian nih
a ka don lai,
ka ral cu a ka teipiak hna lai.
 
11 Annih cu that hna hlah,
ka mi hna nih an philh sual
ai hnga,
na òhawnnak in òhek hna law
hrawk hna,
Maw Bawipa kannih kan phaw!
12 An kaa chungah sualnak a um
an bia cu bia sual lawngte an si;
an i porhlawtnak ah cun
anmah lila i foih hna seh.
Annih cu chiatserhnak bia
a chimmi le lihchimmi
an si caah
13 na thinhun in hrawk dih hna,
hrawk dih cikcek hna.
Cu tikah Israel uktu cu
Pathian a si i
vawleicung vialte zong a uk chih
dih ti kha an hngalh lai.
Selah
 
14 Ka ral cu zanlei fate an ra kir i
uico bantukin an au i
khua chungah an i chawk.
15 Rawl kawl ah an vak i a za
an hmuh lo tikah an zai.
 
16 Sihmanhsehlaw kei tu cu
na òhawnnak kha hla in
ka thangòhat lai;
zing fate in a fekmi na dawtnak
kong kha hla in ka sa lai.
Nangmah cu ka caah himnak na si,
harnak caan ah dornak lungpi na si.
17 Maw a ka Vengtu, nangmah cu
kan thangòhat lai;
Pathian cu ka ralhruang na si,
a ka dawtu Pathian cu
ka himnak na si.