SALM 56
Pathian I Bochanf Hebru holh ah cun, hi hla hi David nih Filistin mi nih Gath khua i an tlaih hnuah khan a phuah, tiin a um.
(1Sam 21.13-15)
1 Ka ral nih an ka hrem
thluangthluan i
an ka cil lengmang caah hin
Maw Pathian, ka zaangfah ko sawh.
2 A ka dotu nih hin chun nitlak in
an ka hrem i
annih hi an tam hringhran ko.
3 Ka thin a phan tikah,
Maw Cungnung Bik,
nangmah cu kan bochan.
4 Pathian cu kaa bochan i a biakam cu
ka thangòhat;
amah cu kaa bochan i ka thin
a phang lo.
Minung menmen nih cun zeidah
5 Ka ral nih cun ka tuahmi thil kip ah
harnak an ka pek,
zeitindah a cungah fahnak
kan tlunter khawh lai ti kha
an ruat zungzal.
6 Mi hmuh lonak hmun ah khan
an i thup i
ka tuahmi paohpaoh kha
an ka ngiat dih,
zeitindah kan thah khawh lai ti kha
an i ruahchih.
7 An òhat lo ruangah cun,
Maw Pathian, dantat ko hna;
hi mi hna hi na thinhun in
raltuknak ah cun, sunghter ko hna.
8 Zeitluk in dah harnak ka in kha
na hngalh;
ka mitthli cu na thawl chungah
na rawn hna,
na cauk chungah na òial hna
a si lo mei?
9 Nangmah kan auh ni ah ka ral cu
an kir lai,
mah hi fiang tein ka hngalh §
Pathian cu keimah leiah a um.
10 Pathian cu kaa bochan i a biakam cu
ka thangòhat,
Bawipa biakamnak cu
ka thangòhat lai.
11 Amah cu kaa bochan i ka thin
a phang lo,
minung menmen nih cun zeidah
12 Pathian, na sinah
ka rak i kammi kha kan pek lai,
thangòhat thawinak cu kan pek lai,
13 zeicahtiah nangmah nih thihnak
chungin na ka chuah i
ka ke kha rilhnak chungin
na khamh.
Cucaah Pathian hmaika ah cun
kaa chawk i
minung cungah a ceumi
a ceunak chungah cun ka um.