SALM 53
Minung Sualning
(Slm 14)
David Hla
1 Mihrut nih cun an i thawh i,
“Pathian a um lo,” an ti.
An dihlak in an thu, thil òhalo kha
an tuah, ahmaanmi thil a tuahmi
ahohmanh an um lo. Ref 53.1-3: Rom 3.10-12
2 Pathian nih vancung khin
minung kha,
Aho tal a fim i Pathian a kawlmi
an um hnga maw tiin a run zoh.
3 Sihmanhsehlaw an dihlak in
an pial cang,
an dihlak in an chiatlei ah
an i tluk;
pakhat hmanh thil hmaan
a tuahmi an um lo,
pakhat taktak hmanh an um lo.
4 Pathian nih, “An hngal hnga
lo maw?
Òhat lonak a tuahmi hi
mihrut maw an si dih ko hnga?
Ka mi kha an ramh hna i cucu
an i cawmnak ah an hman,
ka sinah thla an cam lo,” a ti.
5 Sihmanhsehlaw Pathian nih
nan ral hna cu
an ruh kha a òhek dih hna caah
an thin a phang ngaingai lai;
hmasa i an thin a rak phan
tawnning bantuk sawhsawh kha
si loin atu cu
an thin a phang taktak lai.
Annih cu a hlawt cang hna caah
6 Israel khamhnak cu
Zion in ra seh ti ka hei duh
hringhran dah!
Pathian nih a mi cu rumnak
a pek òhan hna tikah
Jakob tefa cu an lung aa lawm lai,
Israel mi cu an tha a nuam lai.