SALM 52
Pathian Biaceihnak le Velngeihnakd Edom mi Doeg nih, “David cu Ahimelek inn ah a ra,” tiah Saul a chimh tikah, David phuahmi hla.
(1Sam 22.9-10)
Mi liannganpa, zeicahdah
òhat lonak
na tuahmi cu naa porhlawt?
Pathian dawtnak cu a fek ko.
Midang hrawhnak ding caah
khua na khang lengmang,
na lei cu a harmi nam bantuk a si,
lih lawng kha na chim òualmal ko.
Òhat lonak kha òhatnak nakin
na duh deuh i
biatak chim nakin lih chim kha
na duh deuh.
Selah
Na bia in mi fahnak pek kha
na duhmi a si,
nang cu milip na si.
 
Cucaah Pathian nih an hrawh
zungzal cang lai;
an tlaih lai i na thlam chungin
an chuah lai,
a nungmi hna ram in an dawi lai.
Selah
Miding nih hihi an hmuh lai i
an òih lai,
an in nihsawh lai i,
“Himnak hmuhnak caah Pathian
aa bochan lomipa hi zohhmanh u,
Pathian kha i bochan loin
a rumnak pi tu kha
aa bochan i
a òhat lonak tu ah khan himnak
a um, tiin a ruah,” an in ti lai.
 
Sihmanhsehlaw kei cu Pathian inn
pawng i a khomi oliv kung
bantuk ka si;
a fekmi a dawtnak cu zungzal in
kaa bochan zungzal.
Maw Pathian, na tuahmi thil ruangah
kan lawmh zungzal lai;
na mi hna lakah nangmah òhatnak
kha ka chim zungzal lai.