SALM 50
Biaknak Taktak
1 Lianngan Bik Pathian Bawipa nih
bia a chim;
vawlei cu a dihlak in nichuahlei in
nitlaklei tiang a auh.
2 Pathian cu Zion in ni bangin
a rung tlang,
dawhnak ah a tlingmi khua chung
3 Kan Pathian cu a ra lio,
sihmanhsehlaw dai tein a rat cu
a si lai lo,
a alh hluahmahmi mei
a hmaiah khan a um i
òih a nungmi thlichia nih a zual.
4 A mi kha bia a ceih hna i
van le vawlei kha
tehte ah a auh hna.
5 Aa thawh i, “Zumhawktlak a simi
keimah sinah raithawinak in
biakamnak a tuahmi
ka mi hna kha ka sinah
pum hna u,” a ti.
6 Van nih khin, “Pathian cu a ding,
amah hrimhrim kha
biaceihtu a si,” tiah an chim. Selah
7 “Ka mi hna, ka bia ngai u law
bia ka chim lai;
Israel, nangmah cu fiang tein
kan hngalhter lai.
Pathian cu keimah hi ka si i
keimah cu na Pathian ka si.
8 Nan ka pek zungzalmi raithawinak le
khanghthawinak ruangah kan sik
hna a si lo.
9 Nan lo chung nan cawtum hna le
nan meheh run chung meheh hna
kha ka herhmi an si lo,
10 zeicahtiah ramlak i a ummi saram
vialte hi keimah ta an si dih i
tlang thong khat cung i a tlongmi
saòil vialte khi keimah ta an si dih.
11 Ramlak i a ummi va vialte cu
keimah ta an si i
lo lak i a ummi thilnung vialte zong
12 “Ka rawl òam seh law kan chim hna
lai lo, zeicahtiah
vawlei le a cung i a ummi thil vialte
cu keimah ta an si dih.
13 Cawtum sa cu ka ei hna maw?
Meheh thi cu ka din maw?
14 Pathian sinah lawmhnak chim cu
nan raithawinak si seh law
Lianngan Bik cu kan in pek lai tiah
nan i kammi pekchanh awk
vialte kha pechan ko u.
15 Harnak a phak tikah ka au u,
kan khamh hna lai i
nan ka thangòhat lai,” a ti.
16 Sihmanhsehlaw Pathian nih
miòhalo cu a thawh hna i,
“Zeicahdah ka nawlbia cu
nan ciah len ko?
Zeicahdah ka biakamnak kong cu
nan chim len ko?
17 Kan chimhhrin hna lai, ka ti tikah
nan duh òung lo,
ka nawlbia kha nan hlawt
ko òung hna.
18 Mifir nan hmuh tikah a hawi ah
nan i cang i
vacung pa duhmi hna he nan i kom.
19 Òhat lonak bia chim kha
nan i tim zungzal i
lihchim kha a sum in nan i sum lo.
20 Nanmah nan unau congoih kha
nan i tim zungzal,
midang sual kawl lawng kha
nan duh.
21 Hi vialte hi nan tuah i
keimah nih cun zeihmanh
ka chim lo,
cucaah nanmah bantuk ah
nan ka ruah.
Sihmanhsehlaw atu cu kan sik
cang hna lai i
thil kha fiang tein kan hngalhter
22 “Zei i a ka rel lomi hna,
hihi ngai tuah u,
an ngaih lo ahcun kan hrawh
hna lai i
ahohmanh nih an in khamh kho
hna lai lo.
23 Lawmhnak chim hi keimah upatnak
thawinak cu a si,
ka nawl a ngaimi cu ka khamh
hrimhrim hna lai,” a ti.