SALM 36
Minung Sualning
David Hla
1 Sualnak nih miòhalo cu
a lungchung thukpi ah
bia a chimh i
Pathian kha a hlawt i a òih lo. Ref 36.1: Rom 3.18
2 Amah le amah sang tuk i
aa ruah caah cun
Pathian nih ka sualnak kha
a hmu lai lo i
sual a ka phaw lai lo tiah a ruah.
3 A kaa chuak bia cu bia òhalo le
lih lawngte an si i
mifim si i thil òha tuah kha
a ngol cang.
4 Ihkhun cung i a zau lio hmanh ah
thil òha lo lawng kha a tuak,
a tuahmi kha thil òha a um lo i
thil òha lo kha a hua hna lo.
Pathian Òhatnak
5 Bawipa, a fekmi na dawtnak cu
van a tawng i
zumhawktlak na sinak cu
van a phan.
6 Na dinnak cu tlang nganpi
bantukin a fek i
na biakhiahnak cu rilipi bantukin
a thuk.
Bawipa, nangmah nih minung le
saram cu na zohkhenh hna.
7 Maw Pathian, zeitluk in dah
na dawtnak hi a sun!
Na thla tangah mi nih dornak
an hmuh.
8 Na inn in a chuakmi rawl kha
duhdim tein an ei i
na òhatnak tiva chung khan
ti na pek hna.
9 Nang cu nunnak vialte hram na si;
nangmah ceunak thawngin
kannih nih ceunak kha kan hmuh.
10 Nangmah an hngalmi kha
daw zungzal ko hna law
a dingmi cungah khan òhatnak
tuah zungzal ko.
11 Miruamkai nih khan ka tu hna
hlah seh,
miòhalo nih khan ka zamter hna
hlah seh.
12 Miòhalo an rilhnak kha zohhmanh!
Khika ah khin an ril,
an tho kho ti lo.