SALM 33
Thangòhatnak Hla
Miding vialte hna,
Bawipa nih a tuahmi
thil ruangah i lawm tuah u;
amah a nawl a zulmi vialte hna,
amah cu thangòhat tuah u.
Tingtang in Bawipa cu thangòhat
tuah u,
hri hra ngeimi tingtang in
thangòhat u.
Hla thar in thangòhat u,
dawh ngaiin hri hra tingtang cu
tum u law fak piin hla sa u.
Bawipa bia cu biatak an si,
a òuanmi rian cu zumhawktlak
an si dih.
Bawipa nih dinnak le òhatnak cu
a duh;
vawlei cu a fekmi a dawtnak in
a khat.
 
Bawipa nih a nawlbia in van khi
a ser hna,
ni le thlapa le arfi khi a bia in
a ser hna.
Rili vialte kha hmunkhat ah
a pumh hna;
a thukmi rilipi cu thil khonnak inn
chungah a khumh hna.
 
Vawlei vialte, Bawipa cu òih tuah;
vawleicung mi vialte hna,
Bawipa cu òih tuah u.
Bia a chim i vawlei cu a hung um,
nawl a pek i zeizong vialte
an hung chuak.
 
10 Miphun dang nih tuah
an i timhmi kha
Bawipa nih pakpalawng ah
a canter i tling kho loin
a umter hna.
11 Sihmanhsehlaw amah khuakhanmi
cu zungzal in a hmun i
amah timhmi cu zungzal in a fek.
12 An Pathian ah Bawipa a simi
miphun cu
lunglawmmi miphun an si,
Bawipa nih a mi ah
a thimmi hna cu lunglawmmi an si.
 
13  Bawipa nih vancung khin
a run kan zoh i
minung vialte hi a kan hmuh dih.
14 A uknak hmun khin
a run kan zoh i
vawleicung mi vialte hi
a kan hmuh dih.
15 Kan ruahnak vialte hi amah
sermi an si dih i
kan tuahmi vialte cu a hngalh dih.
 
16 Siangpahrang nih a ral a tei hna cu
ralkapbu òhawngmi a ngeih caah
a si lo,
ralkap nih a ral a tei cu a thazang
a òhawn caah a si lo.
17 Ral teinak caah ral tuknak rang hi
san an tlai lo,
a nganmi an òhawnnak nih
a khamh kho hna lo.
18  Bawipa nih amah a òihmi cu
a zohkhenh hna i
a fekmi a dawtnak aa bochanmi cu
him tein a umter hna.
19 Thihnak chungin a khamh hna i
mangòam tlun caan ah a nunter hna.
 
20  Bawipa cu kan i bochan,
amah cu a kan bawmtu le
kan phaw a si.
21 Amah thawngin kan lung aa lawm i
a min thiang cu kan i bochan.
 
22 Maw Bawipa, nangmah cu
kan in bochan caah,
a fekmi na dawtnak cu
kan sinah um ko seh.