SALM 30
Lawmhnak Thlacam
1 Maw Bawipa, nangmah nih
na ka khamh i
ka ral kha ka cungah diriam in
na umter hna lo caah
kan thangòhat.
2 Bawipa, ka Pathian, nangmah sinah
bawmhnak hal in ka au i
na ka damter.
3 Mithikhua in na ka kirter òhan.
Khor Thukpi chung i a vung kalmi
hna sinah kaa tel ve nain,
ka nunnak cu na ka pek òhan.
4 Nannih a mithiang hna, Bawipa cu
thangòhat u;
A Thiangmi Pathian nih
a tuahmi kha philh hlah u law
amah kha lawm u.
5 A thinhun cu caan tawite chung
lawng a si;
a òhatnak tu nih cun chantlung
a nguh.
Zan ah mitthli tlaknak
um hmanh seh law
zinglei ah cun lawmhnak
a ra òhan ve. Ref 31.5: Luk 23.46
6 Him tein ka um kha ka hngalh i
“Ahohmanh nih an ka tei bal lai lo,” ka ti.
7 Bawipa, ka cungah na òha ko;
tlang cungah a ummi ralhruang
a him bantukin
him tein na ka umter.
Sihmanhsehlaw na ka thuhtak tikah
8 Bawipa, nangmah cu kan auh,
ka bawm ko sawh, tiah
kan nawl.
9 Ka thihnak cun zei òhatnak dah
a chuak lai?
Thlan i ka va kalnak cun zei miaknak
dah a chuak lai?
Mithi nih an in thangòhat khawh maw?
A dong lomi na òhatnak cu an chim
khawh maw?
10 Maw Bawipa,
Ka bia cu ka theihpiak law
ka zaangfah tuah!
11 Ka ngaihchiatnak cu
lunglawmh lamnak ah
na ka thlenpiak cang,
ka mithi ngaihnak puan cu
na ka lakpiak i
lunglawmhnak puan kha
na ka pek.
12 Cucaah dai tein ka um lai lo;
nangmah cu kan thangòhat ko lai.
Bawipa, nangmah cu
ka Pathian na si,
a zungzal in kan thangòhat lai.