SALM 132
Hmunthiang Thangòhatnak Caah
Kainak Hla
Maw Bawipa, David kha
philh hlah,
a rianòuanmi vialte zong kha
philh hlah.
Bawipa, bia aa kammi kha
philh hlah,
Israel Pathian Lianngan Bik,
na sinah chiat aa serhmi kha
philh hlah.
3-5 Cu a biakamnak cu hitihin a si:
“ Bawipa caah hmun pakhat
ka ser khawh hlan lo,
Israel Pathian Lianngan Bik caah
umnak inn pakhat
ka tuah khawh hlan lo,
inn chung zongah ka lut lai lo i
a ih zong ka it lai lo,
a dinh zong kaa din lai lo i
a hngilh zong kaa hngilh lai lo,” a ti.
 
Bethlehem khua ah biakamnak kuang
kong kha kan theih i
Jaar lo lakah khan cu kuang cu
kan hmuh. Ref 132.6-10: 2Cha 6.41-42
“ Bawipa inn ah khan kal u sih,
a bawiòhutdan hmaiah khan
amah cu bia u sih,” kan ti.
 
Maw Bawipa, biakamnak
kuang he cun naa dinhnak
hmun ah khan ra tuah,
na òhawnnak hmelchunhnak a simi
kuang he cun ra law
zungzal in um tuah.
Na mi na khamh hna kha
tlangbawi nih thanh hna seh law
na mi cu an dihlak in
lunglawm in au hna seh.
 
10 Na sal David kha bia na rak kamh,
na thimmi siangpahrang kha
hlaw hlah, maw Bawipa.
11 David sinah biakamnak fek pakhat,
na let òhan lo dingmi kha na rak ser,
cu na biakamnak cu hihi a si:
“Na fapa pakhat cu siangpahrang
ah ka ser lai i
na hnuah amah cu uktu bawi
a rung si lai. Ref 132.11: 2Sam 7.12-16; 1Cha 17.11-14; Slm 89.3-4; Lam 2.30
12 Na fapale hna nih khan
ka biakamnak kha
an zulh i nawl ka pekmi hna kha
an tuah ahcun,
an fapale hna zong cu
nangmah hnu zulh in
siangpahrang an si zungzal lai.”
 
13 Zeicahtiah Bawipa nih
Zion cu aa thim cang i
khika ah a umnak inn kha ser a duh.
14 Aa thawh i, “Hika hi zungzal
ka umnak a si lai;
hika hmun hi ka uknak ka chiahnak
hmun ca i ka duhmi a si.
15 Zion cu a herhbaumi vialte kha
tlamtling tein ka pek lai i
a misifak hna cu rawl khim tein
ka pek hna lai.
16 Keimah nih ka khamh hna kha
a tlangbawi pawl
ka thanhter hna lai i a mi pawl kha
lunglawm in hla ka sakter hna lai i
ka auter hna lai.
 
17 Hika hmun ah hin Siangpahrang
David tefa pakhat cu
siangpahrang ngan pakhat ah
ka ser lai,
hika hmun ah hin ka thimmi
siangpahrang uknak cu
ka hmunhter lai. Ref 132.17: 1Sia 11.36
18 A ral pawl cu ningzahnak in
ka khuh hna lai,
asinain anih cu a cer in a cermi
suiluchin kha ka chinh lai.