SALM 126
Lawmhnak Thlacamnak
Kainak Hla
Bawipa nih Zion i
a kan kirpi òhan ah khan,
kan mang bantuk a rak si!
Zeitluk in dah kan nih kan kheh i
zeitluk in dah lunglawmhnak
hla kan sak kha!
Kha tikah khan miphun dang hna nih,
“An caah Bawipa nih
thil lianngan a tuah,” an kan ti.
Kan caah thil lianngan
a tuah taktak hna;
zeitluk in dah kan rak i lawmh!
 
Bawipa, kan ram ah
kan kirpi òhan ko,
a carmi tiva ah ruah nih ti
a chuahpi òhan bangin,
kan kirpi òhan ko.
Mitthli he thlaici a tuhmi nih,
lunglawmh aunak he an zun lai;
Òah buin thlaici aa phorhmi hna nih
lunglawmhnak hlasa le
facang phal i put in an ra kir lai!