SALM 124
Pathian Cu A Mi Hna Khamhtu A Si
Kainak Hla, David Hla
1 Bawipa kha kanmah leiah
rak òang hlah seh law,
zei huah dah kan rak huah hnga,
Israel mi hna ka let tuah u!
2 “Kan ral nih an kan tuk ah khan,
Bawipa kha kanmah leiah
rak òang hlah seh law
3 kan nung in an kan dolh dih hnga,
an thinhun ling ah khan
an rak kan dolh dih hnga.
4 Kha tikah tilian nih khan
a rak kan fenh diam hnga i
ti nih khan a rak kan phum
diam hnga;
5 a hlonh in aa hlonhmi tilian
nih khan
a rak kan phum diam hnga.”
6 Kan ral nih hrawh awkah
a kan siang lotu Bawipa cu
lawm ko u sih.
7 Rap chiahtupa rap in a luatmi va
bantukin kan luat;
rap cu a hrawh i kannih cu
kan luat.
8 Bawmhnak kan hmuhnak cu
Bawipa sinin a si,
amah cu van le vawlei a sertu a si.