SALM 122
Jerusalem Thangòhatnak Caah
Kainak Hla, David Hla
1 “ Bawipa inn ah kal u sih,”
an ka ti tikah khan
ka rak i lawm.
2 Atu cu maw Jerusalem, na kutka
chungah kan dir cang!
3 Jerusalem cu i rem òhipòhep le
i dawh cikcek in sakmi khua a si.
4 Cuka ah cun Bawipa sin i
lawmhnak bia chim awkah,
Israel miphun cu an kal tawn,
cu lawmhnak bia chim cu
Bawipa nih a fialmi hna a si.
5 Cuka ah cun David chung
bawiòhutdan hna cu,
6 Jerusalem daihnak caah
thla cam u!
“Nangmah an duhmi cu
an thlua chuak hna seh!
7 Na kulhnak vampang chunglei ah
daihnak um seh law
na siangpahrang inn hna chungah
himnak um seh.
8 Ka rualchan hna le ka hawikom
hna ruangah,
Jerusalem cu, “Na chungah
daihnak um seh,” ka ti.
9 Bawipa kan Pathian inn ruangah,
na òhatnak ding caah thla ka cam.